يابنات والله اكتب لكم وانا لسة ما استوعبت الموضوع ومافقت من الصدمة
بنتي حبيبتي طاحت من فوق السرير على الأرض عمرها ست شهور
انا السبب مفروض ماحطيتها ورحت خليتها لحالها ياعمري عليها
السالفة ان زوجي قالي انا جايب الفني عشان يركب خط التلفون
المهم رقدتها على السرير بس مو جوا مرا المهم رحت ارتب
الغرفة قبل يجي الفني وتكون حوسة لمن يجي وانا لاهية
بالترتيب الا اسمع ///// طاخ وااااااااااااء هذا البكاء
قسم بالله قلبي قرب يوقف انا جريت جري لين بغيت
اطيح من الخرعة لقيتها على الأرض وتصرخ
ذيك الساعة الله لايوريكم تأنيب الضمير اللي جاني
ورفعتها واقول معليش حبيبتي واضمها علي واسكتها
بعد شوي سكتت وابوها جاء من الدوام ماقدرت اكتم عنه
صريحة معاه والمشكلة طاح فيني تهزيئ بقوة وانا حزنت
اقول هذا قضاء وقدر صح اني مكبرة السالفة بس والله
خايفة تاثر عليها الطيحة هي الحين نايمة بس مو عطول نامت
لا بعد كذا ربع ساعة او شي وما استفرغت الله يكرمكم ولا داخت
بس برضو انا موسوسة عليها طمنوني الله يوفقكم قلبي انحرق .
وبينَ ضلوعكَ قلبٌ ما علّقَ إلا بـ الله