الله يخليكم ادخلو وريحوني :(

الله يهدية بس أول ماتشرط وخلاكم تتصرفو
وبعدها قال رايه المفروض يتحمل نتيجة تصرفة حطكم ف موقف محرج مع الناس

لا فهميه ان لو هالموقف حصل لوحده من خواته بيرضاها ان زوجها يتركها عشان سبب تافه؟
كمان وضحو له ان لو مثلا تركها بيخرب سمعة البنت الناس رح تفهم ان فيها عيب وتركها عشانه رح يظلمها وفوق هذا بيكسر قلبها
ياليت تجلسي معاه وتوضحي له ان الطول مو مقياس للسعاده في اشياء ثانيه تحليها في عينه وتخليه ينسى سالفة الطول
خليه يحاوول يتقرب منها ويشوف يمكن يتقبلها مع الايام ويكتشف الايجابيات فيها لايتسرع ويتخذ قرار يندم عليه
واذا اخوك صغير ومتاثر بالفنانات خلي احد من الرجال الفاهمين الواعين ينصحووه
وفهميه حديث الرسول عليه السلام لما قال اياكم وخضراء الدمن لما سالوه الصحابه عنها قال المراءه الحسناء في منبت السوء
يعني الشكل والطول مو مقياس حقيقي للسعاده الزوجيه اهم شي اخلاقها وسترها
فيه موقع تقدري ترسلي منه رسايل على جوال اخوك بدون مايعرف رقمك تقدري ترسلي له نصائح عن اخلاق الزوجه وتاثيرها في السعاده الزوجيه ماعرف الرابط والا كان افدتك

حبيبتي قوليله الطول والقصر مو كل شي المهم الاخلاق

وحرام عليه بعد الملكه يسيبها عشان شي تافه بصراحه مااشوف انه عيب القصر والطول

قوليله يتعوذ من الشيطان ويستخير الله والخيره فيما اختاره الله

خليه يكلمها ويروح يزورها يمكن اذا شافها وكلمها يتغير رايه

نصيحه حرام يكسر خاطر البنت

وبيقولوا انو الاهل لما بيشوفوا البنت بيقطعوا رزقها ولو شافها الولد بيكون احسن؟ هما بيعرفوا الصفات المطلوبة وما يبغوا يجرحوها بشوفة الولد بعد ما تتأمل .

اخويا شاف عروستو بعينو لانو احنا لازم يشوفها وبعد ما تملكوا ابتدى يندم ومن هاديك الساعة يبغى يتركها بس بابا قالوا انت شفتها من اول ورضيت فيها ما تتركها على بالوا انو حيرضى مع الوقت . والله دحين مع بعض من كم سنه بس يتلكك عليها مسكينة يبغى يطلقها كل يوم والتاني بحجة وبدون حجة واحنا بس نخاصموا ونقول انت السبب وما احد غصب عليك.

انصحك يا قلبي ان كان لسه ملكة خليه يتركها ولا بكره يتركها وعندها اطفال يضيعوا ورنا يهديهم شباب هاليومين ما يملا عينهم الا التراب

حبيبتي . .

المشكلة ماتوصل لحد الدمار وإن كان فيها دمار فالأقرب بيكون للبنت مو لكم ولا لأخوك

غلطته إنه ماشافها ورفض وإتكل عليكم اللي كذا يقبل بأي شكل ....

( نصيحة احد يكلمه بهدوء يقول غض النظرعن الشكل تحديدا قصرها اللي مضايقه وخليه يزورها زيارة فيها

تحديد مصير يمكن إذا جلس معها يرتاح لها ويحبها بكل عيوبها ويشوف لأن الله ينزل مودة وسكنى أو العكس

بعدها يقرر ويجزم قرار رجال وينفصل عنها ولا يرتبط بها ثم بعد سنة ولا سنتين ينفصلون الآن أفضل بكثير )

بتتأزم البنت فترة وبتنسى ويعوضها ربي كذلك أخوك والشي هذا كثير يحصل لا يتضايق اخوك ولا شي عطوه من الحكي الجامد

وذكره إن الضعف للحريم وقلوب الرجال قوية وهذا تدبير ربي سبحانه موفق ومعوض ...

موفقة ربي يسعدك ويسعدهم

لكـ ودي