الله يخليكم ادعولي بظهر الغيب في يوم عاشوراء محتاجة لدعائكم

السلام عليكم خواتي انا ما أدري اذا كنتوا تذكرون قصتي مع زوجي (مع الأصح زوجي مع وقف التنفيذ) والله العظيم انا بحاجة ماسة لدعائكم لي بظهر الغيب لعل الله يستجيب لكم لأني والله تعبت تعبت خلاص حاسة ان هالدنيا انعدم منها الصدق والاحساس انعدم منها الضمير والاعتراف بالجميل انعدمت من الدنيا كل صفة جميلة وصارت مليانة بكل شي شين غش خداع استغلال وغيره وغيره الله يخليكم ادعولي وادعو لكل محتاج شوفو النذالة والوقاحة وصلت وين عند زوجي يعني تخيلوا دخلت المستشفى ونمت هناك اسبوع وطلعت من هناك على مسئوليتي وقبل لا ادش المستشفى رحت لشقتي رحت مثل الحرامية اخذ شوية اوراق تخصني وشوية شغلات شخصية شوية ملابس داخلية وخذت صوري الشخصية وبعدها تعبت ودخلت المستشفى ووصلني خبر ان الزوج المحترم غير مفتاح الشقة وكل اغراضي الشخصية جزء كبير من ذهبي في الشقة هذا غير الأثاث والأجهزة والشغلات الثانية اللي جايبتها من حلالي وخليتها بالشقة وهو من كل وقاحته غير المفتاح لا واتهمني بعد انه اني بقت الاغراض اللي في الشقة وعلى قولته كوشت على كل اللي فيها ويعلم الله اني حتى لو سويت جذيه فهذا حلالي ولو خذيته ماينقالي اني بقته هذي اغراضي اول وتالي المهم اتهمني وظلمني وقعد يومين يطرشلي مسجات رفعت ضغطي وخلتني مثل المجنونة مو مصدقة افتراء وظلم مثل هذا ويصير بوحدة مثلي عطيته كل شي من غير مقابل كل اللي كنت أبيه انه يعاملني بما يرضي الله ومن زود وقاحته يدزلي مسج يقولي ماتجين الشقة الا في وجودي ولا يطلع شي من البيت الا لما يشوفه بعينه حشا تقولون خدامة تيجي باليومية والمعزب مو مأمن فيها ولازم يفتشها قبل لا تطلع من البيت عشان شوفها بايقة شي ولا مو بايقة الله أكبر انا اتعامل مثل الخدم والبيت بيتي واللي فيه معظمه اذا مو كله حلالي وحت ىالهدوم اللي قاعد يكشخ فيها ان جيبتهم والله كنت احرم نفسي عشان اجيبله حسبي الله ونعم الوكيل هو مستغل اني بنت ناس واهلي أجاوييد مايحبون المشاكل فقال اتمادى وأدوس أكثر على راسها طبعا هذا شي بسيط من اللي الزوج المحترم قاعد يسويه فيني وصرت والله خايفة انه جنيني يطلع مشوه من كثر القهر والحسرة والبكي ومعاناتي من الظلم والجحود وكل شي شين ومن منو ؟ من الشخص اللي دفنت نفسي عشانه وبعت كل شي عشانه ومن وقاحته حتى ما دز مسج يعتذر عن اتهامه لي بسرقة اوراقه وجنطته اللي انا متأكده انه لقاهم لأنه وقف حملة المسجات الشرسة اللي مارسها علي دنيا غريبة اللي ياخذ فيها جزء من اغراضه ويهد الجمل بما حمل ينقال عنه حرامي صح لازم يهد الجمل كله ويقعد يطر من الغريب عشان مايضايق واحد خانه واستغله. حسبي الله ونعم الوكيل الله يخليكم لا تنسوني من الدعاء بظهر الغيب في يوم فضيل يوم عاشوراء وباقي الأيام وادعولي بعد انه يكفيني شره ويمكني اني اخذ كل حقوقي منه.