السلام عليكم , كبفكم يا اخواتي الغاليات انا قبل فترة كتبت موضوع ان زوجي حيطلقني وطلبت منكم تدعولي انو يرجع لي بس قدر الله وما شاء فعل تم الطلاق , انا باحكيلكم قصتي للفضفضة وما ابغاكم الا انكم تدعولي ان الله يعوضني بزوج صالح يخاف الله فيني ويرزقني بالذرية الصالحة عاجل غير اجل ,ويخرج حب طليقي من قلبي, الله يخليكم ادعولي باوقات الاجابة عسا الله يستجيب
ابدالكم قصتي
انا اتزوجت من قبل تقريبا 8 سنوات كان عمري وقتها 19 سنة من شاب اكبر مني ب 9 سنين , كان في بداية زواجنا مثل اي متزوجين مشاكل بسيطة بسبب عدم معرفتنا لبعض بس بعد مرور سنة تقريبا صرت اعشقو , ما كنت اقدر انام الا وهو جنبي , كنت اشم ريحة ملابسو لما يكون بعيد عني , لما كنت اروح لاهلي ما اصدق متى ارجعلو عشان بس احضنو , وهو كان بعد يعشقني او يمثل ما اعرف بس كاان يقلي انا ما اقدر اعيش من غيرك انتي حياتي وعمري , ما في اي انسانة تقدر تحل محلك, في دي الفترة اكتشفنا ان زوجي ما يخلف ويعتبر شبة عقيم , قالي اذا تبغي تنفصلي عني وتشوفي حياتك انا ما عندي مانع , قلت له انا متنازلة عن اني اكون ام واعيش معاك , مرت الايام وبعد سنتين تقريبا اتصلت عليا وحدة وقالتلي انها تعرف زوجي , قفلت السماعة , فاتصلت ثاني وبدات توصفلي بيتي من الداخل وقتها حسيت قلبي حيوقف معقولة يا زوجي تخونني حسيت الدنيا كلها لفت فيني صرت اسمع دقات قلبي , وبدات تخوض في التفاصيل وكيف كانت علاقتهم , وانها تعرف زوجي من قبل لا يتزوجني والى الان هو مستمر معاها , معقولة وانت تقلي اني حياتك وعمرك هاذا اللي كان يدور بخاطري, اتصلت علية وهو وقتها كان بالدوام قلت لو كذا تسوي فيني وصرت ابكي واصرخ واقلو ليش كذا , هو عرف على طول عن ايش انا باتكلم وجا البيت وصار يبرر , ويقلي انها هي اللي تجري وراة وانها انسانة متزوجة بس مريضة نفسيا وصار يسلم علي اللين ما سلم على رجلي , بس انا كنت في حالة ذهول كيف هيا اللي تجري وراك وتعرف بيتي , كيف هي اللي تجري وراك وتوصفلي شكلي بصوري , كيف هي اللي تجري وراك وانت قبلت منها الهدايا , بس لاني كنت اعشقو صدقتو او كذبت نفسي , ما قلت لاحد حتى اهلي ما قلت لهم وبعد القصة هاذي صرت بس اطيح ومرضت , المهم مرت الايام وكنا زي ما نحنا نعشق بعض , وبعداربع سنين من زواجي لقيت رسايل من بنات في جوال زوجي وبرضو برر الموضوع وانا صدقتو بحكم حبي لة , وفي اخر شيء لقيت محادثات بينو وبين بنات اه ه ه ه ه يا بنات واحد من اصحاب زوجي قرا المحادثة قال لزوجتو كيف قدرت بنت _السعودية تقرا الكلام دا لانو كلام صعب كلو عشق وحب بين زوجي وبين بنات انا اعرفهم البنات هذول زميلات زوجي في العمل وهو عرفني عليهم وصارو صديقاتي بس كانت العلاقة بينهم قبل لا يعرفني فيهم , لما واجهتو اخر شيء قالي كذب زي كل مرة بس انا ضغط علية فقالي انو يبغا يتزوج , تتزوج علي وانا مافي احد يقدر يحل محلي على قولتك, وقتها عرفت ان حياتي انتهت معاة وهو كان يبغاني اخرج من البيت ويحاول يلاقيلي حجز قريب عشان اروح لاهلي , لما رحنا لاهلي هو حكى لهم كل شيء عن البنات , وقالهم في النهاية انا ما الاقي مثلها واهلي مصدومين يقولولي كيف انتي صابرة على دا كلو , ارسلي ورقتي بعد 6 اشهر من المشكلة الاخيرة وقبل لا يرسلي ورقتي خطب وملك والان هو عايش حياتو وانا زي ما انا , بس نفسي اقولو فين الحب والعشق ولا كان تمثيل , الان انا لي 9 اشهر منفصلة عن زوجي
يلزم عليك تسجيل الدخول أولًا لكتابة تعليق.
! أم صالح !
•
الله يعوضك من فضلة كثري من الدعاء والاستغفار
ياحبيبتي خير لك ان شاء الله
اتت ضحيت عشانه وهو مايستاهل
الله يرزقك بالزوح الحنون والذرية الصالحة
اللهم امين
اتت ضحيت عشانه وهو مايستاهل
الله يرزقك بالزوح الحنون والذرية الصالحة
اللهم امين
حبيتي الله يسعدك ويهنيك زي هدا والله ماتحزني عليه بالعكس تفرحي ان ربي خلصك منه ماله امان لامعك ولامع غيرك لان الشيطان مزين له طريق الخطاء وهذا زوج دنيا خل يولي و**** الله يجيك نصيب احسن منه الله يعوضك ولاكمان تصير ام وتفرحي بعيالك امين يارب العالمين وكثري الدعا وانتي ساجده اللهم عوضني بالزوج الصالح زارزقني منه الدريه الصالحه عاجل غير اجل
وربي حرررررررررررررررررررام ليش كذا الرجال نحب ونعشق وبالاخر يرمونا حاسه فيكي انا لي سنه مع خطيبي وبالاخر رماني وربي ماكان يشوف الا انا كيف قدر يبعد وين كلامه ماعرف احس نفسي بتجنن ومامر على فراقنا اسبوع الا يقولولي جالس يدور على عروسسسسس اه ياقلبييييييي كيف انتي زوجك حسبي الله ونعم الوكيل بس الله يصبرك ويصبرني
الصفحة الأخيرة