الله يخليكم اقروا قصتي وردوا علي محتاجتكم والله

السلام عليكم
انا اول مره ادخل هذا القسم بس والله دخلت لأني محتاجه رايكم وخبرتكم معاي
والله يابنات اني محتاسه وماني عارفه شسوي المشكله بزوجي وأهله
انا بختصر صارت وايد مشاكل من اول زواجي سنة 2000 بين اهلي واهل زوجي
والبدايه كانت لما خالتي اخطبتني وطلعت وقالت خلاص بس نتفق على موعد الملجه وثاني يوم قالت خلاص مابيها وطبعا زوجي كان يحبني من زمان وهو شايفني مع اهلي وهو صديق اخوي وبعدها الله كتب وتزوجنا ومرت السنين ووالمشاكل ماتخلص من حنة خالتي ووتدخلها بوايد اشياء إلى تنقل الكلام من عمات زوجي إلي لعبوا دور مهم بخراب بيتي
المهم انا اكتشفت وايد اشياء بعد الزواج منها إن زوجي يخاف من الطبيب وفي وايد أشياء داخليه غلط وما اقدر اقولها تضايقني :44:
المهم انا ولدت ولادتين وهو واهله ماجوني المستشفى وقسما بالله والله إني بولاداتي ماشفت غير امي واهلي وطبعا اهو ماجاني ولا شفته وكان يروح عند ربعه او يقعد عند اهله او ينام في البيت والله يابنات هالشي ازمني نفسيا وماني قادره اسامحه اهو يقول انه يخاف ما يقدر يدخل المستشفى وخالتي ما جتني بعد لأنها تقول ما تبي تواجه امي
وانا إلي ضايعه بالسالفه وطبعا لا خالاته ولا عماته والسبب طبعا خالتي :44:
تقول انها مابلفت احد اني ولدت من أهلهم لأن على بالها إني داقه وقايلتلهم وطبعا اهي تدري اني ما أعرف أرقامهم طيب اشلون انا ابلغهم اني ولدت ؟ بذمتكم مو جذابه ؟
وطبعا انا اودي اليهال حقها وما اروح والحين قاعدين يحنون علي علشان اروح بس والله ماني قادره انسى إلي سوته اهي وولدها فيني لا وبعد صارت سالفه بيني وبين زوجي خلال الاربيعين على هالشي وانا طلبت الطلاق وإهي قامت ودزتلي مسجات ودعت علي وعلى امي بالذمه شلون تبوني انسى ؟
وبعد طبعا زوجي ماله شغل فيني أنا واليها دايما بالدوانيه لدرحة لو احتاج شي من الصيدليه أو بروح الطبيب واحد من اليهال مريض ما يوديني يقول خل امج توديج وكل يوم سهر بالدوانيه وعلى الابتوب والله يابنات مالغ شغل فيني نهائيا واهو يعترف إنه مقصر وكل مره يقول سامحيني وراح اتعدل بس ماكو فايده وانا ماني قاده اتحمل المسؤاليه بروحي وحتاجه احد معايا والله إني طالبه الطلاق واهو مو راضي يطلق وماني عارفه شسوي ؟ تكفون عطوني الحل ؟ ساعددوني:44: