الله يخليكم الحقوني مع بنتي واللغه العربيه

ما تتخيلون اشكثر انا محتاجه مساعدتكم!!!

حبيبتي الله يساعدج

انا بنتي بعد في الصف الثالث

بس الحمد لله زينه في الاملاء

تعرفين شو تسوين

كل يوم خليها تكتب الدرس بس ما تنقله لا انتي مليها كلمه كلمه

عادي لو غلطت اول مره قوليلها انتي صلحي لنفسج الاخطاء

وباجر مليها نفس المقطع بس خليها تنتبه لاغلاطها الامسيه

واستمري جيه اسبوعين

وان شاء الله بتمشي مع صديقاتها

وبعد في شي ثاني انا دايما اخلي بنتي اتسويه

انها تكتب يومياتها وارجع اصلحلها الاخطاء

وعوديها على قراءة المجله بصوت عالي

للتدريب على القراءه

ما عليه تعبي معاها شوي وان شاء الله البنت تتجاوز صعوبة الاملاء

جزاك الله خير اختي
المشكلة ان هالبنت من النوع اللي يطلع الروح مش مثل اخوانها ما تستجيب بسهوله معقوله لو امليها الدرس بتكمل معاي الى النهايه
المهم مشكوره والله يكثر من امثالج

واذا اي حد من الخوات عنده تجارب مع اعيالهم يحطونها مشكورين

؟؟؟؟؟؟؟؟؟

اختي

مثل ما قالت الاخت واضيف لابد من تعزيز

مثلا عطيها شيء تحبه شوكولا كيكة حلوى .............. كل ما تكتب صح

اوعديها بطلعة لمكان تلعب فيه نهاية الاسبوع

اشتري لها مرسام شكله حلو كهدية ودافع كل ما تتجاوب معاكي وتحل صح