الله يخليكم الي من المجمعه ،روضة سدير،حوطة سدير

الدكتورة وفاء انا سمعت عنها واعتقد انها فى مستوصف السلمان واظن اسمة الحبيب الان فى المجمعة وسمعت انة فيه ناس يجو لها من الرياض واللة يهون على وعليك

السلام عليكم والرحمه

شكراًاًاًا جزيلاً لأختي أسيل والله يوفقك دنيا وأخره

كل هالوقت ولاأحد رد علي إلا أسيل الله يخليها ويوفقها
أبي ردود كثيره وأراء ومقترحات
وأتمنى إن الدكتوره الي تقولون عنها تكون في مستشفى علشان استمر معها حتى الولاده

لآ تكسرون خاطري................

يُرفع

هلا أختي

فعلا الدكتورة وفاء كويسه والكل يثني عليها والله ..

بمستوصف الحبيب ..

وبالنسبه للباقي

عندك عيادات سدير الاستشاريه
فيها دكتورة نسيت اسمها والله
الظاهر امل ماني متأكده
ابعدي عنها اذا تبين نصيحتي
بالعربي نصابه تبي فلوس وبس
زود على كذا ماتحترم المريضات ابد ..

واذا تبين في مستشفى حكومي ..
عندك نهاد في مستشفى الملك خالد كويسه واخلاق ..
وفي وحده استشاريه اسمها هنا بس مادري تقدرين تتابعين معها ا لاه .. اسئلي انتي
امممم ..

هذا اللي اعرفه والله وان شاءالله البنات يفيدونك أكثر

بس بليز ادعي لي بالذرية الصالحه عاجلا يارب ..

والله يقومك بالسلامه ..