الله يخليكم انصحوني مهم مهم

بسم الله الرحمن الرحيم
السلام عليكم يا بنات حواء,انا اول مره اكتب لكم لاني متضايقه مره مره مره من تصرفات زوجي وتعامله معايا,
احنا متزوجين من 8 سنوات والحمد لله ربي رزقنا بولدين وبنت ومن يوم تزوجنا وانا ملاحضة فيه حركات مالها داعي المهم ندخل بالموضوع الى مضايقني بصراحة تعاملوا معايا مو عاجبني واسلوبه احس انو مابينا عشره من اسلوبه جاف ويكتم ( يزعل) اذا طلبت سوق او اي اغراض وبصراحه انا ما انزل السوق الا بالمناسبات والافراح يعني نزلاتي بالسنه 3 او 4 مرات فقط والله ماعمري نزلت على الفاضي المهم واحيانن يقول كلام بصوت واطي واساله ايش تقول يرد عليا ويقول اكلم نفسي بصراحه انا ما عجبني اسلوبه ومو اول مره يقول كذا في كلام كثير ولاكن انا اعديها واقول يمكن متضايق وانا اتكلم عن اخر كلمه قالها وزعلتني لا وكمان انا ملاحضه من فتره انو اذا طلبت شي مايلبيه ليا اما اذا عيالوا طلبوا عادي واذا هوا يبغا شي على طول يجيبوا , واذا فاتحتوا بالموضوع انت ليش كذا تعاملني احن بيننا عشره وبيننا اطفال قام يرد وهو معصب ويقول كلام منها (انا كذا الى موعاجبوا الباب يفوت جمل وانا تراني طفشت واذا مو عاجبك كل واحد فطريق) والله يوم قال الكلام هذا احس الدنيا اسودت وقعدت ابكي وكنت ناويه اروح بيت اهلى لاكن العيال خايفه عليهم .وعلى فكره مو اول مره يقولها

ملاحظه ( بصراحه زوجي عنده ديون وعندو عمار بعد شهر ونفسياً متضايق )
بس ليش يعصب عليا ويقول كلام موزين يعني انا حاسه فيه والله اني مراعيه ضروفه لابعد الحود ولا زوجه تصبر على الوضع الى انا فيه وماني مقصره فحقوقه من جميع النواحي حتى فاليل جاف معايا واناني يبغا يشبع غريزته وخلاص انا مو لازم واعديها له انا ما ابغا شي ابغا يحسن اسلوبه معايا ويحسن اخلاقه فقط .

ابغا نصيحتكم الله يخليكم والله اني قاعده اكتب وانا ابكي ماني عارف اتصرف وابغا حل سريع لانو خلاص طفح الكيل.