شكرا لكن اخواتي على النصيحة والله يوم رديتن علي ريحتن قلبي شوي انا راح اذكر لكن مشكلتي لكن
مختصرة ومبسطة انا لي ست سنوات متزوجة وعندي طفل واحد والله يخلية لي يارب واقولكم انا وزوجي دايم
مشاكل اما من طرفه او من طرفي او من طرف اهله ودايم احس اني مني مرتاحة بحياتي قليل تلقوننا حليلين
مع بعض والمشكله انا وزوجي عصبيين وسريعين الانفعال ومانتحمل اي شي معنن بعض المشاكل ويعلم الله اني اتغاضا عنها وانتم تعرفون قلب المرأه ومشكلتي هذه زوجي له فترة متغير علي وانا ماادري وش السالفة اذا تكلمت
معها وسولفت سوالف عادية رفع صوته علي وقام وتركني وهو مرة من المدمنين بالنت يعني 24 ساعة جالس علية
مايفصله الا الصلاة والأكل والنوم وطلبات اهله اللي ماتقضي والصراحة معملته مع اهله اللي هي امه واخواته
يعاملهن كئنهن زوجاته من تنفيذ طلبات وتوديات ولا عمره رفض اي طلب لهم مجرد يتصلون عليه بالتلفون
يركض مثل الريح انا ادري بتقولون هذولاء اهله انا ادري انهم اهله بس المشكله ان جيتي لي لامعامله ولايلبي لي طلباتي ولاحتى يسمع بكلامي او ياخذ مشورتي تخيلو احيانا اطلب طلب منه ويرفض طلبي ويحتج بأن ماله نفس وبنفس اليوم تتصل احدى اخواته وتطلب منه طلب ويقفز مثل المجنون يالله هذا ماله نفس وانا عاد اسكت وانقهر والصراحة لو اريد اكتبلكم كان امتلى النت بلكتبات والمشكله اخواته كلهن متزوجات واللي يقهر ان زوجي ماله شخصية ابدا لاعلى الصغار ولاالكبار ودايم اذا اجتمعنا انا واهله يكون هو موجود معنا وعنده اخته عمرها 19 سنه تتكلم وتتمسخر
علية واحنا كلنا جالسين يعني فية امه وابوه وانا واخواته وهو مايقولها ولاشي وتعالي شوفي الضحكات من الباقي
بالله هذا مو شي يقهر تشوفين زوجك مهان ومنذل وقدامك بعد شوفتو لو انا بمكانها وتكلمت عليه بمزحه قدامهم كان
مسح فيني الأرض ويمكن بعد يضربني لان زوجي يده طويله لاعصب والله يضربني ضرب الله يكون بعوني وتصدقون مره ضربني قدام اهله والله على شي تافه واهله من النوع اللي يبون عيالهم قوييين على زوجاتهم وينبسوطون لشافو ولدهم يتكلم على زوجته او يهينها او يضربها وانا يعلم وشلون معاملتي معهم حتى يوم شافوني كذا معهم خذو اختي لأخو زوجي يعني انا واختي بحموله وحده بس شتان مابين زوجها وزجي ماشاء الله تبارك الله يحبها ويحترمها ولا
يريد احد يتكلم عليها ومنفذلها كل طلباتها وكل عيد او اجازة يسافر معها بالمكان اللي تبي حتى ماشاء الله اللحين مجدده اثاث بيتها اكيد بتقولون يمكن هي معاملتها حلوة لاوالله الحض يلحق اهله اختي طويلت السان على اهله وعليه
وعلى كل الناس سبحان الله عكسي لو ابي اطول الساني مثلها كان قعدت اصيح من الخوف اما زوجي كل شي باعكس اخوة ماعليش اخواتي طولت عليكم لكن ماالام من شي فيني لكن الحين اشولون ابتفاهم مع زوجي وترى زوجي من النوع مايرضى بسهوله ولايحب اني اناقشه بالمشكله اذا جيت لمه وحبيت رأسه وتأسفت حتى لو انا ماغلطت طردني وسكر الباب بوجهي وانا الصراحة اخاف على نفسي من ضربه فاروح واتركه واخليه يرضى من نفسه بس بعد مدة طويله من الزعل وانا الصراحه مااحب احد يزعل علي يضيق صدري واحس كل الأبواب مقفله بوجهي يالله خلاص تعبت
وانا اكتب بس اطلب منكم سرعة الحل لان الحين صارلنا ثلاث ايام زعلنين وادعولي ان الله يسخر لي زوجي ويهديه ويصلحه قولو آآآآآآمين وجزيتن خيرا .

صراحة بعد ماقريت مشكلتك تقطع قلبي عليك بس شوفي
مشكلة زوجك الوحيدة هي العصبية
لأن كل الرجال يهتمون بأهلهم ويهملون زوجاتهم ( قصدي أغلبهم )<<<علشان ماتنط علي وحدة تقول مو كلهم
وأنا زيك زوجي طالع 24 ساعة ..لا والله بس يجي ينام ولا يشوف التلفزيون
ويطيع أهله بشكل غير طبيعي ..ومو بس أهله بعد أي واحد يطلب منه طلب يطيعه
بس زوجي بارد مو عصبي أنتي حاولي تدورين طرق لمعالجة مشاكلة
شوفي وش يحب وش يكرة
ابتسمي بوجهه
هيئي له جو مناسب بعيد عن الضجر
وتنازلي معليش ترا حنا دايم نركب روسنا وتجي علينا
الله يعيينا بس على هالرجال

أتمنى إني أكون أفدتك

الله يعيننا ويعينك صدقينى مالك الا الدعاء :26: وهذا الحظ لاقام باعلك واشترى ولانام لوكل ماتسوين ماراح يتعدل الا بهدايه الى خلقه اللهم اسالك بكل اسم هو لك ان تسخر لنا ازواجنا اجمعين

والله ما دري شقول بس تقطع قلبي وحاسه بلوعة حزن الله يذهب عنك الهم والكدر يا بعد عمري عسى الله يهدي زوجك واهله وكل زوج مسلمه متعبها زوجها يعني يضرب ويهينك ونتي متحمله الله يارب كذا يكتبلك عنده حسنات تملى كثرها الارض والسماء ويكتبلك الجنه امين

المشكلة ان زوجك اللي اشتكى وعلى اخوك يعني وش قالة عشان خلى اخوك يتنرفز ما يرضى لك تعيش عندة
وبرضوة وش ردت زوجك من اخوك لما اشتكى لة وعرف ان اخوك بيجي لك و طالب لك الطلاق
والله يصبرك ويهدي زوجك تحاشي العصبية واي شيئ يعصب زوجك
يعني لا تعطي فرصة يعصب لو بتقدري اثقلي علية ولا تكلمية فترة
زوجك شكلة مو راضي من تعامل اهلة لة ونفس الوقت ضعيفة شخصية قدامهم
يعني ما يقدر يبين ردة فعلة لهمويطلعها فيك
يعني يحط الحرة اللي منهم فيك
الله يعينك ويهدية يارب ياكريم