الله يخليكم بنتي نحيفه

للرفع

ابي اغرف شنو معنى للرفع بليــــــــــــــــــــز؟؟؟؟؟؟
عطيها عيش مصري ومنقووع الزبييب وهم الحلبة تعطي صحة للطفل

مشكوره يالي رفعتي الموضوع ومقصرتي ياsoosaالله يعطيك العافيه بس بنتي ماتحب العيش المصري ولاتاكله وكان ماعليك امر ابغى اعرف كيف طريقة منقوع الزبيب وكيف طريقة الحلبه بالتفصيل لاني جربت اعطيها حلبه ولاتقبلتها واسفه اذا كثرت عليك الاسئله بس تكفين ردي باسرع وقت

لا شكر على واجب ياعمري
اخذي 6 او 7 حبات من الزبيب الاسود ونقعيه بماء مغلي لمدة يووم وبعدين خلطي بالخلاط وحطية مع اي شيء تاكله مثل سيرلااك او الحلييب
والحلبة هم نقعيها بماء مغلي لمدة يووم وشخليها وحطييها مع الحليييب واااااااااااااااااااايد مفيــــــــــــــــــــــــــــــــــــــــــــــدة وتقوي العظم وتسمن ..

حبيبتي من خبرتي البسيطة..
**اعطيها رز مصري مسلوق مع خضار (بطاطس-كوسة-جزر ) بعد مايستوي حطيه في الخلاط الكهربائي المهـــــــــــــــــــــــــــــــــــــم تكون جائعة يعني ماشربت رضعة .
**منقوع التمر حطي 5-6تمر في كأس وصبي عليه ماء مغلي وخليه 1-2ساعات بعدها خلطيه بشوكة وصفيها بالمصفاه بالعافية.
**الحلبة حطي ملعقة حلبة كبيره بعد غسلها (تكون فيها بعض الأتربه)وصبي عليها ماء مغلي وورق نعناع وسكر نبات بعد 1-2 صفيها وبالعافية .
**حطي 7-8 حبات تمر بدون النواة في قدر و3ملاعق شوفان (كويكر) وكاس ماء مغلي وحطيها على النار لحد ماتتماسك وتغلي لمده 10دقائق بعدها حطيها في الخلاط الكهربائي تصير زي المهلبية إذا كانت ثقيلة زوديها ماء وإذا خفيفة زيدي شوفان بالعافية.
**لاتنسين العصيرات .
**ممكن تعطيها فيتامينات من الصيدلية ياكثرها أنواع وأشكال أنا أستخدم لأولادي (شكلة مثل الهرم ..سعره 30 ريال .
حبيبتي طبعاً هذي الأمور بعد التأكد من سلامتها .
ربي يخليها دعواتك لي بالشفاء ..بالتوفيق