الله يخليكم تعالووو عطوني رأيكم

الأسرة والمجتمع

يابنات بنت خالتي مطلقة تقريبن لها 5سنين
سبب الطلاق الرئيسي أهله هي كانت ساكنه معاهم
في ملحق في السطح خواته يتكلمون عليها عيالها ينظربون
قدامها 
يدخلون في كل شي وزوجها يسمع كلام أهله حيل 
وإذا قعدت معاه وفهمت ع كل شي يرجع يقول أهلي
ايش أسوي امي وابوي والله وصلت فيهم الظلم عيني عينك وخوه 
قذفها لو أتكلم من اليوم الى بكره عن مشاكلها ماراح 
اخلص. طبعن هي مااترضى با الغلط تهاوش وتنقهر 
بس لاحيات لمن تنادي تخيلووو بعد 10سنين عنا وتعب
من المشاكل والفقر الي هم معيشينها فيه وزوجها كل 
شوي يقول بعوضك اصبري الدري انك اقل من غيرك 
والله لعوضك تتوقعون وشـ عوضها فيه ؟؟؟؟؟؟؟؟؟؟
بخيااااااااااااااااااااااانه شي يقهررر سمعته يسبها 
عند حبيبته قسم با الله ماقالتله ولا شي 
نادته قالت انا صبرت ع الظيم والمشاكل والفقر 
والحين تسبني عند وحده من الشارع 
والله اني خسااااااره عندك انت ماتستاهلني ولا تساهل
عيالك بعدين قالت له لا تجاوبني ولا تبرر اي شي 
والمت أغراضها وراحت بيت ابوها
 طبعن عمتها يوم درت وتقعد تقول لها
الله لايردك 
هي رفضت اي كلام في موضوع الرجعه
وطلقها والله كنت تكلمي بحرقه دموعها ع خدها
تقول القهر ذبحني احسني بموت عيالي اذا
شافو أبوهم يبكون يبوني اروح معاه كان كل شهر 
شهرين يجي من الرياض لبهاء الف كيلوو عشان 
يشوفهم ومصروفهم كل شهر يجيهم 
هي عمرها ماقالت فيه عند عياله شي ولا تخلي احد 
يغلط عليه قدامهم المهم وهي الحين مخطوبه
وانا قالت لي وحده تقرب لهل طليقها انه يبغاها ويذكرها
با الخير وأمه تحاول تزوجه من يوم طلقها وهو رافض
اخر شي قال لمه أنتم السبب في تخريب حياتي
وزواج ماراح أتزوج 
والحين له كم شهر مختفي محد يدري وينه يقولون شكله
راح يجاهد لنه اولً ماطلقها راح وتعبت أمه ودخلت المستشفى
ورجع عشانها ولعلمكم شقته للحين زي ماهي والمفاتيح
معاه 
الحين الكل يلوم بنت خالتي انها هي السبب 
في الي صار الطليقها ونها حرمته من عياله 
ونها المفروض ما تطلب الطلاق عشان شي تافه
ونهم أهله المفروض تصبر الين الله ييسر أمور زوجها

انا نقهرت ليش كذا 
انا ماعلمت بنت خالتي انه رافض يتزوج عشان ابيها 
تتزوج ابيها تشوف حياتها وترتاح 

كل وحده تعطيني رأيها بسراحه لو مكاني تقولين 
البنت خالتك ولا تخبين عليها علمن ان عندها
3عيال وخطيبها قابل فيهم
وش الأفضل تتزوج ولا ترجع الطليقها

ودمتم بحب واحترام  
16
2K

يلزم عليك تسجيل الدخول أولًا لكتابة تعليق.

تسجيل دخول

داالا
داالا
ولا وحده ردت ليش ي بنات حواء😓
~~ عِقـــد فُـــل
~~ عِقـــد فُـــل
ان شششاء الله البنات يفيدووووونكك ~


لا اله الا الله ~
عيش شاامي
عيش شاامي
والله يااختي الأفضل رجعتها لزوجها بدون كلااااام
ع قول المثل أمسك مجنونك لآ يجيك الي اجن منه
وبعدين عشان عيالها مهما كان والله والله والله لو ايش مايصير في الدنيا مااحد يتحمل العيال كثر أمهم وابوهم يمكن الي بتنزوجه الحين طيب ومحترم وراضي بعيالها لكن صدقني بيجي اليوم الي يمل فيه منها ومن عيالها وتبداء المشاكل ويمكن يخيرها بينه وبين عيالها لا وتكون مخلفة منه وتلاقي نفسها في نفس الغلط وعيال من رجالين وعي مرميه مااحد داري عنها
انا والله اكلمك كأني أنصح اختي ولكلا وجهة نظر
تيفانيه انيقه
تيفانيه انيقه
صراحه ماراح تلقئ زي ابو عيالها لعيالها . احسن من التشتت
بالعكس تراها امانه عندك وانتي كتمتي الامانه. روحي خبريها ان زوجها يبغاها ولساته يفكر فيها
وخلي اهلها يصلحون بينهم ،
وطبعً تحط شروط اول شي ماتسكن مع اهله ، وانه يكرمها و يترك بنات الخراب
وان شاءالله تزين امورهم
العريس الجديد ماحد يعرف وش يصير ، يمكن يذلها ويهينها هي وعيالها ، اغلب الرجال مايحبون اولاد زوجاتهم من غيرهم ...
داالا
داالا
انا عرفت من وحده يعني ماقالت وصلي لها
أنو زوجها قال لمه كذا وزوجها ماقال لحد انه يبي يرجعها بـس يمدح فيها وإذا احد قاله رجعها
ولا تبغا ترجعها((( قال والله مدري)))

انا مدري وشـ أقول لها اخاف تتزوج وتصير مشاكل على عيالها
وخاف أقول لها وزوجها مايرجع 
محتاره