الله يخليكم تعالو ساعدوني بنجن من ولدي الي عمره سنه الله يحفظ ويصلحه

السلام عليكم ورحمة الله وبركاته
اخواتي انا عندي ولدين الله يحفظهم ويصلحهم
المهم ولدي الصغير عمره سنه وكم شهر بسم الله عليه بس لسى مايتكلم بس يقول بابا وماما وانا مستغربه احسه تأخر بالكلام بس موهذي المشكله
المشكله انه ماشاالله تبارك الله حركته كثيره وملقوف كل شي يبغى يطلع فوقه لدرجة ان كل غرف البيت مسكره ولايدخلها الا غرفة الجلوس وذحين حتى غرفة الجلسه جنني فيها الاقيه طالع على الطاولات وشلتها اول اجلسه بالعربيه وصار يطلع منها وشلتها وذحين صار يطلع فوق الكنبات والله هذي مااقدر اشيلها والحين تدرون ايش سويت جبت سريره وحطيته بالغرفه وخليه فيه بس انزله شوي وباقي الوقت فيه وصار يبكي مو عاجبه الوضع وانا حزنانه عليه بس مااقدر اسيبه ويطيح ويصير له شي لاسمح الله بصراحه تعبت مدري ايش اسوي وحتى بالخرجه كل ماجيت اكون مصدعه من كثر مااجري وراه واخرتها صرت اخليه جالس بحظني طول الوقت وطبعا هو يبكي ومتضايق واذا رحنا برا حديقه والا شي يكون بالعربيه وبالسياره اضطريت اشتري كرسي سياره لانه معانه بالسياره احسه مكبوت بس والله مو بيدي بنات الله يخليكم شورو علي ايش اسوي وفيه وحده منكم عندها طفل كذا لاني بجد بنجن كثير قالو صار كذا من كثر الحبسه بس والله ماحبسته الا بعد ماشفت انه تركته خطر عليه المشكله بعد اسبوعين بروح لاهلي ويمكن اجلس عندهم اسبوعين وزياده مدري ايش بيسوي فيني عشان كذا افكر اشتري الي زي السور ينحط بالارض واخليه يلعب داخله بس مو عارفه وين القاه بالشرقيه لانه حاليا مافيه الا هالحل بس الي عندها شي تفيدني فيه بليز لاتبخل علي ولو بدعوه