الله يخليكم ردوا علي ضروري

لو سمحتوا بدي مساعدتكم في هالمشكلة اللي بتخص جارتي واللي هي ..

انها كانت امس بزيارة لعند حماتها (اهل زوجها كتير اغنياء ومغروروين وبيتعاملوا مع الناس بفوقية غريبة وخصوصا الفقرا )..

المهم انها وهي عند حماتها اجت وحدة مسكينة(شحادة) متعودة عليهم << الشهادة لله هم صح مغرورين وبيضلوا المساكين ساعة واقفين على بابهم لكن بيعطوهم بكرم يعني مبالغ محترمة .,, فقامت جارتي شفقت على (الشحادة) عشانها ست كبيرة بالعمر تخليها واقف بالشارع تستنى ساعة فدخلتها على الحديقة وقعدتها وعملتلها قهوة وقعدت معها يشربوا القهوة ويحكوا لحد ما حماتها تجيب لفلوس للمسكينة << لعند هون في شي غلط ..

لما اجت حماتها تعطي لفلوس للمسكينة وشافت زوجة ابنها قاعدة مع المسكينة صارت تتطلع فيها بمنتهى القرف يعني كأنها عاملة عملة فظيعة ,,زوجة ابنها سكتت وما حكت شي ..

المسا لما اجى ابنها قالتله انه مرتو قعدت مع المسكينة وشربتها قهوة << لكن ابنها ما اهتم وصار يضحك واخد الموقف بكل بساطة لانه هو غير عن اهله يعني كتير طيب وقلبه حنون ومتواضع وخصوصا قدام الفقرا بس مشكلته انه كتير عصبي ...

اليوم الصبح اتصل على جارتي اخو زوجها لكبير (وهو طبيب يعني المفروض يكون قلبه في رحمة لكن للاسف قلبه قاسي ومغرور وتافه ) اتصل على مرت اخو عشان يبهدلها ليش تخلي المسكينة تدخل على الحديقة وتقعد معها كمان قال شو هيك فضحتهم قدام الجيران وكان من الممكن يجي حدا من القرايب او المعارف ويشوفها وتصير سيرتهم على كل لسان !!!!!!!!!!!!!!!!!!
وصار يحكيلها انه اذا انتي متعودة تقعدي مع الشحادات في بيت اهلك نحنا ما عنا هادا الكلام << راحت هي زعلت وحكتله انه الشحادة هاي احسن منك وسكرت الخط بوجهه << غلطت شي !!!!!!!!!!!!

بعد شوي اتصل عليها زوجها وصار يبهدل فيها انه ليش تسكر الخط بوجه اخو لكبير وما اعطاها فرصة انها تدافع عن نفسها (المشلة انه كتير عصبي ) وقلها انه اذا ما اتصلت على اخو واعتذرت له ما راح يجي هو على البيت وما راح يصير اليوم خير وسكر الخط بوجهها ,,,ولما حاولت ترجع تحكي معه عشان تفهموا شو صار ماا قبل يرد عليها وقلها قبل ما تعتذري لاخوي ما الك كلام معي !!!!!!!!!!!


وهلاء هي مو عارفة شو تعمل كتير مقهورة ومحتارة ...........

وانا بصراحة مو عارفة شو احكيلها شو رأيكم انتوا ؟؟؟؟؟؟؟؟؟؟؟؟؟؟