الله يخليكم ردو علي هل الموقف تتحملينه وعادي أو أنا حساسة بزيادة

السلام عليكم
المشاكل إللي ما تخلص سواء مع اﻷهل أو مرت اﻷخ أو أهل الزوج
مشكلتي امع أخوات زوجي 
عل طول بدخل بالموضوع
انا يوم خطبوني أهل زوجي كنت أعرف وحده قريبتهم بنت عمهم وبصراحة بنت عمهم داعية 
قالت الرجال ما عليه أي كلام بس أهله خلي علاقتك رسمية معهم ﻻ تختلط بينهم
وفعلا حصلت معاهم مواقف 
أخت زوجي أول ما تزوجت مر على زواجي شهرين قالت شكلك ما فيك عيال
ومرة  كانت تسولف مع أختها وأنا جالسة قالت ليش ما تخطبيبن بنت فلان لولدك ردت أختها مايبي ولدي بنت فلان قالت شوفي أخونا طبعا قالت اسم زوجي تشرط تشرط لمن ألحين تنازل عن شروطه قلت شنو شروط إللي تنازل عنها
  الموقف الثالث  (ﻻزم فيه شرح )
زوجي قبل ﻻ يخطبني كان يبني بيت وكانو أهله دائما خلينا نخطب لك قالهم ﻻ لمن خلص البيت فهي تسولف لي راحت بنات علينا واجد كنا نشوفهم وﻻ خطبناهم يوم كان يبني
غير المواقف إللي صارت لي منهم كثيرة مرة ومو قادرة أقولها واكتبها وهذا أنا رسمية معاهم زي ما وصتني بنت عمهم
 هم إذا صارت مشكلة بين اخواتهم خلاص ما يكلمون بعض وتدعي على أخته وفيهم قطاعة الرحم عجيبه يعني تخيلو زوجي وحدة من أخواته عندها 11 من بنت وولد ما شاء الله ما يعرف إﻻ 6 والباقين ما يعرفهم يقول لو يمشون بشارع ما عرفهم وهم ساكنين بديرة وحدة 
وفي وحدة من أخوات زوجي تخيلو إلى اﻵن ما شفتها صاير خلاف بين زوجي و أخته انقطعت عنه وﻻ حضرت حتى لزواجه وهي مو متزوجة

انا ناديت أخت زوجي وناقشتها ليش تتكلمين علي كذا صرخت بوجهن وقالت أنتي حساسة وهذا كلام عادي 
أسألكم بالله لو مرت عليكم نفس المواقف هل تتحملون أو أنا حساسة وتقول انا أقول حسن نية وكتشفت ما عندها حسن نية ﻷن هي إذا تهاوشت مع أختها تدعي عليها 
ما أقول ما يصير خلاف بيني وبين أخواتي يصير خلاف  بس ما ندعي عليهم ندعي لهم بالهداية ويشهد علي الله إني أدعي لهم مثل أدعي ﻷخواتي