والله حبيبتي أنا كنت مثلك بالضبط لكن الفضل لله ثم لعجينه العشر دقايق جدا ممتازه الموهم انك تضبطيها وتتركيها تتخمر بس مو كثير أنا عن نفسي أخليها نص ساعه بس أو ساعه الا ربع لأنك لو تركتيها تخمر كثير بترجع تهبط وتسير ناشفه بعد الخبز
بعد ماتخمريها نص ساعه استخدميها والباقي غطيه ولا يكون عندك هوا مثلا مروحه لأنها تنشف العجين لازم تغطيه وبعد ماتحشيها خلاص غطيها شوي على ما يسخن الفرن بعدين دخليها من تحت ولاتخليها لين تسير حمرا مرة أنا أخليها لين يسير لونها أصفر غامق شوي وبعدين من فوق تصفر شوي بعدين أشيلها من الصينيه واغطيها بمنشفه نظيفه عشان ماتنشف وبس بتلاقيها مثل القطنه وتجنن
وبالنسبه للكيكه لازم تكون درجه حرارة الفرن مناسبه لها وتكون في الرف الوسط إما راح تفشل على طول يعني
أول شي جربي تستخدمي كيكه البيتي كروكر تمام وسويها زي مو مكتوب بالضبط وصبيها بصينيه وسط مو كبيرة ولا صغيرة وتكون مدهونه بزيت ثم دقيق بعدين صبي الخليط في الصينيه ودخليها الفرن ويكون مسخنته من قبل وأول ماتدخلي الكيكه خلي درجه الحرارة 150 أو 180 بس حتى تستوي على مهل وماتتحمر من برة وجوة تفضل عجين خليها بالفرن 25 دقيقه بعدين طلعيها واختبريها بشوكه وشوفي اذا استوت تمام واذا كانت لسه من جوا نيه غلفي الصينيه بقصدير ودخليها الفرن خليها عشرة دقايق وهي مغطاه بعدين افتحي القصدير وبتلاقيها استوت جربي وربي يوفقك
الصفحة الأخيرة
والسكر يكون قليلا حتى لو تسوين خليه
ثانيا لالالالالالالالالالالالالالالالازم النار تكون عاليه اذا صارت النار عاليه بسرعه تستوي المعجنات وتحافظ على طراوتها
او ماتطلعينها غطي عليها بفوطة عشان تبقى طريه
والصينيه اللي تستخدمينها للمعجنات تكون تيفال لانها موصله سريعه للحراره
ــــــــــ
الكيك لاتطولين في الخفق مهما كان بمجرد ماتختلط المقادير وتروح التكتلات اللي في العجينه توفقين خفق
والسكر اذا كثر في الكيكه يسبب قساوة الكيكه
الصينيه اللي تستخدمينها للكيكه لاتكون تيفال عكس المعجنات تكون معدن
لانه ماتنقل الحرارة بسرعه وينضج الكيكه ويحافظ على طراوته ومايحترق
ولازم تجلس الكيكه في الفرن نص ساعه ماتفتحين عشان ماتهبط اذا دخل الهواء
تولعين الفرن الاسفل اول لين يستوي ويعدين العلوي حتى يتحمر
___
ان شاء الله افادتك النصايح ويارب تظبط معك