الله يخليكم ساعدوني

السلام عليكم

خواتي انا تعرضت للاجهاض للمرة الرابعه

كل مره بكون غير الوضع بضل ينزل علي دم كل يوم شوي لين ما يروح الحمل وبعدين خلاص بنزل الحمل لحاله وما كنت اخد اي علاج

بالمره الرابعه بلشت علاج وادوية من اول يوم حمل كنت اخد 4 حبات مثبت باليوم مع ابره هيبارين وتحملتين بروجسترون بس كمان الله ما قسم الحمل ووقف الحمل بالاسبوع السادس

الدكتورة حكتلي لسه الحمل باوله مو محتاج تنظيف انتي وقفي كل الادوية وبعد 3 ايام بنزل لحاله وهلا صارلي 6 ايام موقفه كل الادوية وبشرب مغلي القرفه والحلبة بس ما بنزل اشي لا دم ولا اشي البارحه يا دوب نزلت كم نقطه بس وانا تعبت كتييييييييييييييييير بحس بمغص خفيف وبحس اشي بنزل بروح الحمام مافي ولا نقطه بدي خلاص اتخلص من بطانة الرحم واطوي هالصفحه من حياتي

بس مو قابل ينزل دم شو اعمل؟؟ لا تحكولي اعملي تنظيف لانو بكفي التعب النفسي اني خسرت حملي للمره الرابعه ما بدي اخوض عملية التنظيف والحمل ببدايته يعني مو مستاهل الالم النفسي بزياده

في حد هيك صار معها بعد ما وقفت المثبتات نزل لحاله ..في مشروبات معينه غير القرفه والحلبة ممكن تساعد

بليز ساعدوني الله اعلم بحالتي وبنفسيتي اديش تعبانه