الله يخليكم ساعدوني

قريت اول ان فيه جهاز يصدر صوت ذبذبات تخاف منها الفيران في ساكو

وعليكم السلام يا قلبي انا حاسه فيك قبل كدا جاتني فيران في البيت كنت باتجنن بس الله يعينك انا اشتريت جهاز من ساكو مره حلو تشبكيه في الكهربا ويصدر ذبذبات تنزعج منها الفيران وتندر من البيت وكمان حطيت غرا على كرتون جنب الفر وفي اركان الدواليب من برا هي تحب تتخشخش ورا الدولاب وكمان كبيت فلفل اسود في الدراج حقت المطبخ والاكتر من كدا اني ست امشي وعصايتي معايا انا الحمد لله ما اخاف منها لو شفتها اقتلها قتلت واحد واتنين شردو من البيت وواحد لصق في الغراء وهي يبغالها صبر ومكافحه الله يعينك بس اصبري واجتهدي واهم شي لا تسيبيلها اكل طارف ابدا هي لمن ما تلقى اكل في البيت تخرج حاولي قد ما تقدري ما تسيبي شي طارف والله يعينك وكمان لا تنسي تدعي ربي يخلصك منها هدا اهم شي
معليش طولت عليكي بس والله حاسه فيك

حبيبتي انا انسانه خوافه بدرجه ما تتوقعينها والله العظيم مرره سويت نفسي بطله وجلست حاكرتها في مكان وحطيت غراء وحطيت علاج الفئران ايش والا وتنط علي والله العظيم بغيت انجن لدرجه دخلت عالم ثاني صار زي الغشاوه على عيوني وخوف وبكاء شديد كان مات على احد وهذا كله من الخوف واى يومك هذا وانا احس اني تعبانه وسرت اخاف من خيلي من يوم نط علي الفار وزوجي مو حاس فيني

زي ماقالولك الاخوات جيبي الجهاز وكمان استخدمي الفلفل الا سود الناعم حطيه في الاماكن الصعبه

طيب ركبوا حاجز للباب عشان ما تدخل الفيران يعني يكون حديد مثلا ولحموه بالباب او دوروا اي شي يصلح يكون حاجز