الله يخليكم ساعدوني بمشكلة اسناني

السلام عليكم .


بنات باقولكم سالفتي وساعدوني باي حل .. لان نفسيتي خلااااص دمار
شوفوا انا ركبت تقويم اسنان وكان بحوالي 7000 اوك وقعدت فيه سنتين تقريبا
كنت اعاني بروز الاسنان وميلانها ..
ركبته ومشت الامور تمام البروز خف كثير وطلع حلو .. بس المشكله انوه الميلان لازال موجود ..
يعني انا فكيته بشهر 6 من عام 1432 هـ
ولحد الان احط متحرك ..
لكن المشكله يعني اول ما فكيته قلت لها احسوه لازال فيه ميلان وتقولي لا خلاص زانت ..
مشيت الامر قلت هي اخبر مني .. وبانتظر اشوف
والان باكمل سنه وانا لازلت الاحظ حاجه من اول ما فكيته .. " انوه فيه شوي فراغ على الجنب الايمن والميلان صاير الى الجهه اليسرى .. يعني يمديها تشد اكثر وتكون بالنص تمام " لاني ما اشوفها بالنص تمام ..
الحين انا ابي افهم ليه تقولي انها زينه وانا اشوفها مايله ..
طبعا انا عندي الجهه اليمين اقصر من الجهه اليسار وهذي خلقه من ربي وعادي ما ياثر اصلا . لكن ابي السنين اللي بالنص تكون بالنص زين ..
انا ما ادري شسوي الان ..
صدق مره مقهوره لانوه خواتي وامي قولون عادي زينه اسنانك .. ( لانها تغيرت عن اول اول محسويه ) وزميلاتي واللي سشوفوني يلاحظون هالميلان ..
والله صرت ما احاول اضحك بقوه ولا احاول افتح فمي كثير .. واذا ضحكت ابتسم وانا مسكره فمي ..
يعني صرت مو واثقه من نفسي من هالناحيه .. يعني احس بخجل ..
ما ادري يعني خواتي وامي يسلكون علي ولا عشانه هم مالاحظوه قالوا عادي ولا انا اللي انجنيت ولا اشوف زين ..
ولا اصدق اللي يقولون لي انها مايله .!!!
والله يابنات اني اشوفها مااايله مو قوه مره .. لكن واضح ..
ضاق صدري مره ولا ادري شسوي ..
فكرت اركب ثانيه لكن اللي يكون سنه او نصف سنه ..

الله يخليكم ايش اسوي !
انا بشمال الرياض
:(