الله يخليكم ساعدوني عيوني راحت آآآآآآآآآآآآآآآآآه

بنات الله يخليكم قولولي ايش الحل أنا عيوني واسعة وكبيرة ورموشي غزيرة وطويلة وحواجبي كثيفة ومقرونة وزيادة البلا إني أعرف أحط مكياج مضبوط ومافي أحد يشوفني والله العظيم موشوفت نفس لا لكن هذا يمكن اختبارمن الله ليا إلا ويقولي عيونك مرة حلوة - من مكيجك-أبغا أشوف كيف تمكيجي عيونك -أبغا أشوف كيف تحطي المسكرا -إيش نوع الأي شدو إلي حاطته -إيش نوع الماسكرا- أبغا أجي عندك تمكيجيني-حواجبك مرة فظيعة- عيونك زي فناجين القهوة حتى زوجي وأهله وأختي وجدتي وبنات خيلاني وخالتي مارحموني من هذي التعليقات :06::06:
وكانت دايما أمي تقولي أقري وأنا إذن طين وإذن عجين :44:
إلين ماتفاجأت ي يوم بحكة فضيعة في عيني اليسار وحرقان ماهتميت وبعد أسبوع طلعلي كيس دهني رحت ل3دكاترة كلهم قالولي مالها حل حتى بالعملية لايمكن لأنها مرة قريبة من الغدة الدمعية فالعملية حتظر الغدة الدمعية وندخل في متاهات ثانية مالك إلاكمادات الموية الدافية والقطرات إلين يذوب الكيس ويروح المهم سويت إلي قالولي عليه إلين والله أحس عيوني أتقطعت من كثر الكمادات والفرك مرة يعوووووووووووووووووور:06:
وياليت بس كده الأسبوع إلي راح طلعلي كيس في عيني اليمين وقريب من الغدة الدمعية ونفس الكلام قالولي الدكاترة بس هذا أكبر ويعور:(:
أكثر أبغا حل يابناااااات ولاتقولولي زي أمي روحي لشيخ يقرى عليكي لأن أخويا عيونوا زيي وطلعتله هذي الأكياس وعمل 3 عمليات وترجع تطلع وفي النهاية ماراحت إلا بالقراية بالقرآن
ساعدوني ياأخواتي الله يوفقكم ولايكتبها عليكم