يا بنات عالم حوااء ضايقه فيني الدنيا ولا انا عارفه شسوي
ارجووكم ساعدوني وفهموني ارجوكم
بقولكم سالفتي ومالي غيركم بعد ربي
بس امانه لا تفهموني غلط
شوفو يا بنات..
انا وحده بالجامعه وعمري 19 سنه وتعرفت على زميل لي عمره الحين 20 سنه اوكي
المهم حبيته حب بجنون ولا اني قادره اعيش بدونه وهو نفس الشي ونيته يكون عائله اكون انا اساسها
المهم السنه الي طافت كلمت امي(على فكره امي وابوي منفصلين وانا عايشه مع امي) على اساس
انه يتقدم لي اوك بس كان ردها اني صغيره ومافي زواج قبل لا اتخرج قلت له هالكلام وصبر لين هذي الفتره
وامس قالي لازم اكلم امي لان علاقتنا هذي حرام وهو مو ناقص سيئات هو يبيني ومتمسك فيني
على فكره هو وايد مقتدر والحمد لله ومجهز غرفته على اساس ان زواجنا بيكون قريب
ومكلم امه عني وهو امه متدينه وهو شاب اخلاق ورجال وولد رجال وهو بعد امه
وابوه منفصلين وساكن عند امه المهم يا جماعه قالي يا انك اتكلمين امك وله نقطع العلاقه لان حرام ومن هالكلام طبعا هذا كله ابمسجات فقط
وانا على طول رحت قلت حق امي ان الولد الي كان يبي يتقدم لي رجع كلمني على اساس انه يقابلج ويكلمج عني
المهم امي راساها يابس وكله اتصرخ وما تتفاهم ووايد مسيطره علي
قالت لي هو من ولد قلت لها اسمه الكامل قالت لي هذا مو من ثوبنا
انتي بنت قبايل وهو حاط اسم قبيلته يعني مو قبيلي اصلي
وانسي انك اتزوجين واحد مثله وصارت اتصرخ علي قلت لها انا قلت لك كذا علشان انتفاهم
امي مايهمها غير المظاهر قلت لها الولد خلوق ومقتدر ومتدين قالت هذا مو مهم قلت لها كاهو ابوي ولد قبايل واخر شي انفصلتي منه ايش استفدتي
قالت لي انت منتي ابعويه انتي وحده كامله وما اظن ان بينكم نصيب
وخلاص انهي الموضوع
قلت لها اجل بقوله انه يتقدم لي من ابوي لاني انا ابيه
قالت لي روحي قولي لابوك
قلت لها اوكي بقوله بس انتي لاتجين واتخربين كل شي واتفرين راس ابوي اوكي
قالت لي والله ان خذتيه ياني متبريه منك ليوم الدين وان قالو لي الناس بنتك خذت فلان الفلاني بقول اني ما اعرفها ولا هي ابنتي
على فكره عمته تدكتوره معروفه وامي اتعرفها قلت لها طيب كاهي عمته دارسه وكذا قالت اهله ناس طيبيين وخلوقين ويضرب فيهم المثل لكن انتي ما تاخذين واحد من هالعائله
يا بنات انا متمسكه فيه لاخر عمري قلت له اذا بتتزوج خلاص تزوج وانا ما اظن اني اقدر اتزوج اي شخص لاني بخدع هالشخص وما اقدر احبه وقلبي متعلق فيك يا بنات شالحل مع هالوالده تكفون قولو لي
طيب سؤال في امل نتزوج بالجنه؟؟؟ ان شاء الله
هو قالي باصبر لين السنه الجايه وانا قلت له رد امي بس يعني مو كله لاني استحيت وامي قالت لي قوليله ثوبك موهب ثوبي شوف وحده من مستواك
المهم قالي بصبر لين السنه الجايه وبرجع اتقدم لك مره ومرتين وثلالث وانتي حاولي تقنعين امك
يابنات انا داريه ان خلاص مابيكون بيني وبينه نصيب بس يا بنات والله احبه ومب قادره استحمل اعيش بدونه
دام هالوالده عنيده وما يهمها غير المظاهر مستحيل اتزوجه
قلت لها طيب شوفي اهله وشوفيه قالت ما ادخل هالاشكال بيتي
يا بنات لا تقولون لي اتركه لاني ما اقدر والله العظيم حاولت بس احبه افهموني تكفوون والله ان حبنا برئ ونيتنا شريفه
يا بنات عطوني حل فكلره اعتمر وادعي ربي انه يكون من نصيبي وامي اتوافق وفكرت اني اخليه يشوف حياته ويتزوج بس انه ماينساني لاني انا ما اعتقد ان ممكن اتزوج لان علاقتنا مع بعض اكثر من قويه
بنات نوروني وقولولي تكفون شالحل مع هالأم
م ه م و م ه @m_h_m_o_m_h
عضوة جديدة
يلزم عليك تسجيل الدخول أولًا لكتابة تعليق.
يا اختي الغاليه بما انك في الجامعه اهتمي في الدراسه احسن لك ولا تهتمي في أمور الحب والاعجاب واذا هو يهمه مصلحتك يتركك تتخرجين من الجامعه بالتفوق وهو كذللك وبعدين يشتغل ،ويتقدم لك عند الأهل وما في داعي تضغطين على امك اللي يهما مصلحتك وعامليها بطيبه ولا تزعليها لان رضا الله من رضا الوالدين واذا الله كاتب النصيب لك بصير ان شاء الله 0
شوفي حبيبتي
مسألة الزواج ولي أمرك فيها هو الوالد
خليه يروح لأبوك ويعرض عليه الزواج إن كان صادق في حبه لك زي ماتقولين
وإذا إقتنع الوالد خليه يقنع الوالدة ... أعتقد هذا الموضوع لابد من تدخل الطرفين الأم والأب حتى لو
كانو منفصلين والأي الأول والأخير يعود لك بعد رضا ابوك
وبعدين تري الحب ماهو كافي للإرتباط بالشخص
لأن الحب يضعف مع مرورالزمن
مسألة الزواج ولي أمرك فيها هو الوالد
خليه يروح لأبوك ويعرض عليه الزواج إن كان صادق في حبه لك زي ماتقولين
وإذا إقتنع الوالد خليه يقنع الوالدة ... أعتقد هذا الموضوع لابد من تدخل الطرفين الأم والأب حتى لو
كانو منفصلين والأي الأول والأخير يعود لك بعد رضا ابوك
وبعدين تري الحب ماهو كافي للإرتباط بالشخص
لأن الحب يضعف مع مرورالزمن
ndooo ... مويهات123 ...كلمة طيبة
مشكوورين يا بانت على التجاوب
مشكلتي الوالده يعني الوالد مايقدر يسوي شي بسبب السان امي
محد يقدر يتحمله
والله يا بنات متضاايقه حدي
كلمتها مره ثانيه هاوشتني وقالت لي سكري الموضوع
بس بخليه يكلم الوالد وان شاء الله امي ماتدخل والله مشكله هالطلاق على العيال
مشكوورين يا بانت على التجاوب
مشكلتي الوالده يعني الوالد مايقدر يسوي شي بسبب السان امي
محد يقدر يتحمله
والله يا بنات متضاايقه حدي
كلمتها مره ثانيه هاوشتني وقالت لي سكري الموضوع
بس بخليه يكلم الوالد وان شاء الله امي ماتدخل والله مشكله هالطلاق على العيال
الصفحة الأخيرة
وفيه حديث مااذكره بس معناه انه ان المتحابين ليس لهم الاالزواج
انا اقترح عليكي عدة حلوول
تشوفين شيخ ثقة وتاخدين رأيه في حكاية انك لو ارتبتطي فيه هل ارتباطك بشخص تحبينه معصية حتى لو كان الانسان خلوق ومتدين؟؟
حاولى تتحكمين بمشاعرك شويه وتفكرين بالعقل ..وتتكلمين مع والدك بالعقل وهو ولى امرك وبنفس الوقت تحاولين تقنعين امك..او تشوفين احد من عائلتك خال او عم يتكلم مع والدك
- التجئي الى ربك صلى الوتر وادعى واستغفري ربك عشان يفرج همك واقرئ سورة البقرة بنية التوفيق مع الى تحبينه
-اقتنعي الاقتناع الكامل بانه لوانه ربي كاتب لك هذا الشخص راح تاخدين لو كل الناس وقفت ضدك ..واذا ربك مو كاتب لك ارضي بالى كاتبه ربي لكي لأن هذا الاشياء نصيب مكتوبة من يوم ينولد الانسان نصيبة وحياتة ورزقة وموته كلها مكتوبه عند الله
- يارب ياواحد ياحد يافرد ياصمد تجمع اختى بمن تحب وترزقة السعادة والذرية الصالحة ياحي ياقيوم