الله يخليكم ساعدوني نفسيتي زفت وفي الحضيض

بدخل في الموضوع على طول وبدون أي مقدمات

خواتي أنا قلبي أسود ومافيه خير أو محبة للناس

أنا ماكنت جيه قبل!!!!!! بالعكس دايما اتأثر إذا شفت إنسان فيه شي أو مرض كأني انا اللي عندي هالمصيبه او المشكله او المرض... ولين الحين اتأثر بهالاشياء

إلا ويا إنسانه وحده بس!!!!!!!! المفروض إنها تكون من أقرب الناس لي!!!!!!!!
لساني يقول احبها واحترمها بس قلبي مادري شو بلاه

والله اني اكتبلكم هالكلام وانا احس بألم فظيع في قلبي واحس ان في مصيبه يايه في الطريق
وهالاحساس عمره ماخاب.... الله يستر بس

هالانسانه اللي اتكلم عنها ام ريلي!!!!!!! هيه ام ريلي
انسانه طيبه وتخاف ربها ووقفت وياي في مواقف وايد لأنها حقانيه
انا متزوجه من 9 شهور...... وطول هالفتره ونحن سمن على عسل
والله اني احسها مثل اختي مب ام ريلي ولا حتى امي
وحتى اني اقولها كلام ما افكر اقوله حق امي

والحين احنا من فترة مختلفين وصرت ما اقعد وياها بس اسلم عليها لما ارجع من الدوام وبعدين اروح ايلس في غرفتي وما اطلع منها لين اليوم الثاني لأني بسير الدوام ولا مافي اي شي ثاني بيطلعني من الغرفه

ام ريلي وااااااااااايد عصبيه وماتحس بنفسها لما تعصب وأكثر من مره طردتنا من البيت انا وريلي وعلى اشياء تافهه وساعات على اشياء تستاهل يكون ريلي مسونها مب انا... واحس هالشي سبب هالفجوه اللي بينا الحين... لأني كل مره اتذكر الــــ50 مره اللي طردتها فيها من البيت... ريلي عادي عنده لأنه متعود على عصبية امه واسلوبها... بس انا لا... ماتعودت اعيش في هالجو ولا تعودت اسمع صريخ كل يوم ولا عمري انطردت من مكان... في داخلي اتضايج بس ما اقول واطنش واسولف وياها عادي واضحك وياها عادي.... بس الحين مب قادره مب قادره مب قادره

بموت من هالاحساس.... مادري شو اللي صار.... كل الناس يختلفون بس ليش نحن مستمرين في الزعل؟؟؟؟؟؟ مادري مني ولا منها...... أكيد مني هاذي مهما كانت ام ريلي..... ودي ارجع المياه لمجاريها ومب عارفه كيف....... وايد قالولنا يمكن هاذي عين لأن علاقتنا كانت وايد قويه

الحين هي صارلها فتره مريضه وايد وتعبانه...... تخيلوا اني مافكرت ايلس وياها ولا مره... بس اسلم واطلع ويمكن مره او مرتين سألتها إذا تبغيني اوديها المستشفى من باب المجامله بس لأني اعرف إنها بتقول لا

إذا بتسبوني عادي ادري اني استاهل........... بس دخيلكم ارجوووووووووكم انصحوني لوجه الله
مابا اكون جيه........