الله يخليكم طريقة المرقوووق على اصوووووله الله لايحرمكم اجره

السلام عليكم اختي
المرقوق سهل مره .اول شي اعجني العجينه وهي عباره عن مويه وطحين بر ودبي مع بعض وشويه ملح طبعا انا اخلطها عند الطحان وجيبها للبيت جاهزه طولت السالفه المهم تكون العجينه ماهي راخيه ولا قاسيه وصط يعني تنفرد ارجو انك فهمتي........
جيبي لحم او دجاج واللحم الذ وقطعيها صغير يعني زي الايدام وكشني كشنه مسبكه يعني حطي زيت ثم بصل وفلفل رومي الين يذبل البصل وبعدين اخلطي طماط وثوم وحطيها على البصل
وخليها شوي بعدين حطي قليل من الصلصه وخليها شوي وبعدين اضيفي اللحم او الدجاج وقلبيها مع بعض ثم اضيفي البهارات والملح وغطيها 10 دقائق حتى تتسبك,وبعدين اضيفي الخضار وهي عباره عن كوسه وبطاطس وجزر وهو اهم شي وهذي تكفي واذا حبيتي تضيفين اي نوع اخر عاد بكيفك
ماعدا الباذنجان والباميه احس انهاتخرب المرقوق,
بعدين قلبيها مع بعض وخليها شويه وبعدين حطي المويه حتى تغطي الخضار وزياده طبعا انا اسويه في الضغط يعني ماينقص مويه بس اذا بتسوينه في القدر العايدي يبغالك مويه اكثر ,وتخلينه ينجح -- يستوي
وبعدين انا لما يخلص اجيب قدر واطلع اللحم والخضار فيه وخلي بس المرق وعادي شويه خضارثم واجيب العجينه الي انا عاجنتها اول شي واقطعها وفردها واحطها في القدر الي فيه المرق وخلي بين كل وحده من3الى2 دقيقه حتى تستوي الي قبلها وتقلبينها ممكن تقطعين العجينه الي استوت وهاكذاحتى تحسيي انها باقي شويييه مرق يعني مايكون ناشف حتى لو بقي عجينه وتخلينه 10 دقائق وبعدين اضيفي الخضار الي شليتيها قبل وقلبيها زين مع مراعا ة ان الخضار ماتتقطع مره ويخرب شكلها
لاني اشيلها حتى تبقى زي ماهيه وبعدين حطيها على طول لان المرقوق لازم يتحظر لانه يتلبد ويخرب اذا مااتحظر على طول .وبالهناء والعافيه اكيد طولت عليك بس مااعرف اشرح الا كذا واي سؤال انا في الخدمه وترى اذا سويتيه زي ماقلت بتدعين لي لاني مشهوره بالمرقوق عندنا .:) :)

الله يفرج همك ويسهل رزقك ويحققلك كل ماتتمنيه
والله ماقصرتي اختي بس حبيت اسال كم كمية الخضار اذا كان قدر كبير شوي
وكم كمية المويه اللي تناسب العجين ادري ثقلت عليك واسالتي
غبيه شوي بس تحمليني على فكره
كم ياخذ وقت طبخه
وجزاك الله الف خير

هلا أختي هذا رابط لموضوعي ( حريفات المرقوق ) مفيد مرررره انا استفدت منه وصلحت مرقوق ولا أحلى جناااااان ...الله يوفقهم يارب...أتمنى تستفيدي..:26:


تراني طمعانه بدعواتك لا تنسيني ...:)

http://forum.hawaaworld.com/showthread.php?t=721514

هلا والله اختي الله يسلمك وان شاء الله تضبط معك ,الخضار على كيفك اذا كان القدر كبير ممكن تحطي
4كوسه-3بطاطس متوسطه-5جزر-
والمويه حقت العجينه والله ياعمري ماني احطها بمقادير يعني احد الي يخلي العجينه حلوه متماسكه
وتتكور وتنفرد والعجينه كل ما ارتاحت وطولت تكون احسن .
والرابط الي حطته الاخت كرزه ممكن تستفيدين منه لانه نفس الشي تقريبا بس كل وحده وبهاراتهاونفسها في الطبخ ياليت تسوينها زي ماقولت لك وتقولين لي النتيجه.
معلش اختي كلاااااااااااااااااام كثير

مشكورة