ام الجواهر @am_algoahr

محررة برونزية

الله يخليكم طمنوني هل انا حامل ام لا

السلام عليكم

انا قلقة وايد و مب عارفة اذا انا حامل ام لا

الصراحة الدورة عندي منتظمة ولله الحمد
وعادة قبل موعدها بثمانية او سبعة ايام تبدأ عندي اعراض معينه مثل اتفاخ في الثدي و حساسيتهم للمس و انتفاخ في البطن

و اللحين باقي عن موعدها اربعة ايام والى الان ما احس باي شئ من اعراض الدورة

و الي ملاحظتنه ان الثدي عندي نازل عادي ومو منشد و منزر مثل قبل ما تيجي الدورة
ولا عندي انتفاخ في البطن

بس حابة اسالكم خواتي اذا استخدمت جهاز تحليل الحمل المنزلي خلال هاذي الفترة( اللي هي اربعة ايام قبل موعد الدورة) هل بيبان اذا عندي حمل و لا لا

تبون الصدق انا البارحة عملت التحليل المنزلي بس طلع مافي حمل

الله يخليكم طمنوني هل نتائج النتحليل في هاذي الفترة صحيحة ام لا :29:

858

يلزم عليك تسجيل الدخول أولًا لكتابة تعليق.

تسجيل دخول

آجا و سلمى • 21 سنة

والله يا عيوني انا مثلك.. جربت قبل اربع ايام التحليل المنزلي و النتيجه طلعت خط واحد ..:confused: يعني مافيه حمل..
انا جربته قبل دورتي بيومين تقريبا.. لأني متوتره وخايفه و متوقعه اكون حامل..
المهم لما كلمت امي و قلت لها قالت لي انه التحليل ما يطلع اي نتيجه الا بعد تاخر الدوره عشر ايام..:06:
واليوم المفروض يكون رابع يوم للدوره.. و ماجتني..... شكلي حامل.. بس مادري الين الحين..
دعواتي لك حياتي...

وعلى فكره اول مره ادخل على هالقسم...هههههههه... لما بديت اخاف.. و ردي لك هو اول مشاركه..:26:

ام الجواهر • 21 سنة

مشكورة اختي آجا و سلمى على الرد

يالله يارب نطلع حوامل

و الله انشاء يطمنج و يعطيج اللي في بالج

اتصدقين عاد انا كل شهر انصدم و الشهر اللي طاف تميت اصيح

بس بعدين تعوذت من الشيطان و دعيت ربي

الله يقدم كل مافيه الخير

آجا و سلمى • 21 سنة

:26: :26: :26:
يارب تكونين حامل يا عسل.. و عسى الله لا يطفي فرحتك يا رب السماوات والارض..
و يرزقك باللي يفرح قلبك ..ويملا دنياك و يسعدك بالذريه الصالحه.. يا حي ياقيوم:26:
..
بس انا احس انه لسه بدري على الحمل..توني اليوم اكمل ست شهور من اتزوجت.. يارب تكتب لي اللي فيه خير...