الله يخليكم عطوني الحل قبل لانتهور!!!!!!

السلام عليكم ورحمه الله وبركاته
بنات انا جيتكم بعد مافاض مني الصبر وحبيت افضفض لكم ومتاكده بالقى عندكم الاذن الصاغيه بدون ملل او تذمر(((شكلي بتفلسف واغثكم)):42:
المهم هذي مشكلتي وشوفو لي الحل .....:44::44:


انا متزوجه من خمس سنوات والى الآن ماعندي أطفال ((على كل حال هذي حكمه الله وقدرته))
المشكله تبدء من هنا....بما أن ماعندي أطفال أعيش بملل وروتين قاتل وكل يوم عن يوم تزيد نفسيتي سوء والسبب في الروتين الي اعيشه...حاولت طرح موضوع على زوجي بأن أدخل معهد حاسب الي للدراسه أونادي رياضي لكن رفض وبدون أي سبب مقنع بالنسبه لي ..هو يشوف انه ماله داعي من المعهد وخساره فلوس مدام انه موب راضي بالوظيفه ابدا والنادي الرياضي يأجله بعدين بحجه انه ماله خلق ونفسيته تعبانه وطفشان ومن هالكلام وصارلي أكثر من سنتين كل ما افتح الموضوع هذا يعصب ويتنرفز وانا اتكدر وتصير مشكله وبدون نتيجه هو مصر على رايه وانا وقتها اتنازل وارضى غصب وبعدين تتعب نفسيتي اكثر واعيد نفس الموضوع ونفس الشي كلام ومشاكل وبدون الوصول للحلول المرضيه للطرفين والله تعبت مدري وش اسوي احس ان وجودي ماله داعي اليوم مثل أمس مثل بكره مافيه أي تغير والله معاد اقدر اتحمل ابي الحل ارجوكم ارشدوني للحل الشافي الله يخليكم قبل لاتكبربينا المشاكل ونتهور


((((حبيت اضيف لكم حاجه تبين لكم سبب طفشه هو صار له وقت طالع من وظيفته والى الان مو لاقي بس الحمدلله عندنا دخل ثاني بس قليل وهذا الي مطفشه ومطفشني)))

معليش تقبلوني بصدر رحب مالقيت غيركم افضفض له

بتقولون اصبري لين يلقى وظيفه وتتحسن نفسيته ماقدرت انا تعبت لي متى اصبر صح كل شي بيد الله بس الانسان له طاقه .....

فياليت القى العلاج عندكم ((حشا مرض مزمن)):11: والله الشافي انا شاء الله