الله يخليكم علموني كيف اتعامل معها

مرحبا خواتي كيفكم ساعدوني الله يخليكم كيف اتعامل معها :06:
اكيد بتتسآلو مين هية ؟
رح احكيلكم القصة من اولها امبارح بالليل جا زوجي البيت وحامل قطة بيضاءكبيرة شوية قلتلو من وين جبتها قال اشتريتها من صاحبي هو شاريها من رومانيا ومعها ذكر لكن ما جابومعها عشان ما تتوالد عندنا ومن ساعة ما جابها وانا خايفة منها هو انا لما كنت بسوريا عند اهلي كان عندنا قطة بحديقة بيتنا كنت العب معها بس ما المسها بس تدور حولي وتتمسح بعبايتي لكن هون بيتي صغير وما عندي حديقة او بلكون(شرفة)تلعب فيها وهي بتدور بالبيت وتتنطط على المفروشات وانا بعصب منها وحاولت اتاقلم عليها وقعدها زوجي بحضني ولمستها ومسحت على ظهرها لكن اخاف اشيلها واليوم حاولت اشيلها وخرمشتني والمشكلة انو ابني صغير عمره 3سنوات وبيلعب معها وبيشد ذنبها وخايفة عليه انها تخرمشو اوتنط عليه وكمان خايفة منها عشان الجراثيم والامراض وخاصة انو ابني يلعبها بالعابو وبيمسك الاشياء اللي لحستها وكلما بيلعب معها بغسلو ايديه بالمي والصابون لكن بخاف لما يكون بيلعب معها يحط يده بفمه وانا خايفةعليه يمرض وسمعت انها ممكن تتسبب بالعقم وما بعرف كيف اتعامل معها بالنسبة لنظافتها ومحتاسة ما عم اعرف شواعمل وزوجي مو راضي ياخدها من البيت الله يخليكم اللي بتعرف عن طريقة التعامل معها ونظافتها تفيدني واسفة لاني طولت عليكم وبانتظار ردودكم بسرعة :06:
نسيت اخبركم انو سميناها لولووعمرها 6شهور:04: