الله يخليكم علموني كيف اتعامل مع الاشكال هاذي

بنات بليز انا الحين متملكه واليوم جاني اتصال غريب رديت ردت علي بنت وسألتني قالت تعرف صاحب الرقم هذا الا تقول رقم خطيبي انا سطلت سألتها مين انتي ردت بتردد
مدري وش اقولك ومن هالكلام وبالاخير قالت انا خويته بكل بجاحه انا خويته
مسكت اعصابي ورديت عليها كيف عرفتي رقمي ووش تبين الحين قالت انها مطلقه وعندها بيبي واحسها نصابه بس عشان مايعرفها خطيبي
وهي تعرف خطيبيي من 7سنين وانها تحبه ولاتقدر تستغني عنه عشان كذا طلعت برنت عن جواله وشافت الارقام اللي يدق عليها ومنها رقمي وعرفت اني زوجته وتبي تقولي انه لعاب وراعي بنات وانها بامكانها تعطيني ارقام خوياته اكلمهم واتأكد منهم وبس هي تبي تنبهني وتحرني انها تعرفه انا كنت اكلمها ببرود ولا عصبت عليها وقلت لها اقدر اخدمك بشيء انتي كنتي تكلمينه وهو الحين متزوج وولا راح ينزل لاشكالك فاليش داقه علي اذا قصدك تعلميني انا عارفه ان كل الرجال لهم مغامرات وانتي وحده من الحشرات اللي مرت عليه وهو يوم جاء يتزوج ماالتفت لك انتي واذا تظنين انه ماراح ينساك أأكد لك انو راح انسيه اياك هذا كله وانا بحاله برود مدري شلون جتني هي طبعآ قالت اذا تبين اكلمه وانتي تسمعين ماعندي مانع قفلت الخط بوجهها
ودقيت عليه وقلت له كل الموضوع هو ثار وحسيت انه خايف وهو اول مره ياخاف يعني بالعاده مره شديد وقوي بس حسيت مره انه خايف ومرتبك انا قلت له الموضوع وقلت له باي وطلعت مع صديقاتي الحين هو كلم امي كم مره وطلبها اني ادق علي دقيت وقالي انه مستعد يكلم البنت بكره ويشوف منهي وانا اسمع او اني ادق عليها وكأني متجاوبه معها وبعدين هو يدخل بالخط ويشوف منهي وهو يحلف انه مايعرفها وانه ممكن احد من اصحابه مسوي مقلب فيه
بناااات قولوا لي وش اسوي من جد تعبت من هالولد كل يوم طالع لي بشيء شايف نفسه وكل الناس عنده ولاشيء نرجسي مره مايهمه انا هل مبسوطه او لا مايهمه احد غير نفسه دايم ينتقد انا تعبت يوم صار هل موقف انفجرت الى متى بتحمل دايم ملغي شخصيتي مع العلم اني شديده وشخصيتي قويه ولا اسكت له ويقول هذا اللي يعجبه فيني اني ما اعطيه وجه وانه يحب الوحده اللي تتعبه بالله هذا كلام واحد لزوجته
اهلي يقولون اصبري الولد محترم وولد ناس وشاريك ومن هالحكي وانا الحمدلله مو ناقصني شيء بنت ناس ومتعلمه وجميله وبدون غرور كثير اللي تقدموا لي بس هذا اللي اخترت ممكن استعجلت عشان كانت فليه ظروف وحاولت اهرب منها للزواج
ابي رايكم هو الحين بيجي عندي بكره وبكلم البنت وبعدين هو بياخذ الجوال يشوف وش تبي
وش اسوي الله يخليكم وش اقوله ووشلون اعامله وهي الحشره ذي وش اقولها
عشمي فيكم بكبيير لانكم زي خواتي واكثر استنى ردودكم :(