الله يخليكم قولولي هذا حمل وإلا شو راح أتجنن

حبيباتي الغاليات سويت تحليل منزلي قبل إسبوع وطلع لي خطين واحد واضح جداً والثاني خفيف جداً بعد يومين سويت تحليل ثاني منزلي بعد طلع لي نفس الشئ واحد واضح جداً والثاني خفيف رحت العيادة لما كشفت علي بالسونار وقالت لي مافي شئ لاحمل ولاشئ قلت لها كيف أنا عملت تحليل منزلي وطلع لي كذا وكذا ..
وكشفت علي مرة ثانية ودققت زين لقت إن في حمل بس صغير جداً جداً جداً يعني على كلامها إنه ماكمل حتى الثلاث أسابيع أوكي اليوم رحت مستشفى خاص مستشفى كبير عند الدكتورة إللي أتابع عندها أصلا ً وخبرتها باللي صار كله كشفت علي بالسونار قالت لي مافي شئ أبداً وكشفت علي بالسونار الداخلي داخل المهبل وبعد قالت لي مافي شئ وعملت لي تحليل دم وطلع سالب إنصعقت بصراحة لأن إللي أنا شفته عند الدكتورة الأولى كان حمل كان مثل نقطة سوداء صغيرة شفته بعيني أوكي رجعت للدكتورة الأولى وخبرتها إني رحت وكشفت وعملت تحليل دم ومافي شئ كيف تقولين لي إني حامل قالت لي أنا قلت لج إنه صغير جداً ومايبين زين وإنتي إصبري 10 أيام وبعدين تعالي لي بشوفج إللي أبغي أعرفه حد صار لها مثلي ردوا علي الله يخليكم لأني بتخبل من التفكير وضاقت علي الدنيا ردوا علي إذا وحده صار لها نفس الشئ أو حد من قريبتها شو عملت وشو تنصحوني أعمل وجزاكم الله كل الخير وجعله في ميزان حسناتكم يارب ويكتب لكم بكل حرف تردون به علي حسنه يارب ياقادر ياكريم.