الله يخليكم لي يابنات حواء .. تعالوا شوفو وش صار لأخوي متعاطي المخدرات بعد دعائكم

السلام عليكم ورحمة الله وبركاته


بنات انا من فتره كتبت موضوع عن أخوي .. إنه يتعاطى المخدرات .. وإنه قرر يتعالج ..

وهنا موضوعي

http://forum.hawaaworld.com/showthread.php?t=2513852

صراحه يابنات .. بعد دعواتكم لأخوي تحسن كثيييييييييييييييييير ..

وترك الأدويه اللي المستشفى كتبوها له بما إنه متعاطي .. وصار احسن معانا كلنا ..ونفسيته أحسن

وسألته ليش تركتها قال سبحان الله حسيت إني متعافي وتركتها .. استمر عليها 3 ايام بس أو يومين

المهم ماشاء الله

محافظ على الصلوات ..يجلس معانا ..يسولف معانا ..ويضحك .. ويحن على ولدي

قبل ماكان معانا أحسه بعاااااالم ثاااااااااااااني


تصدقون والله هذا إنسان ثاني .. ودي أحب على راسه من طيبته
والله إني أكتب لكم ودموعي بعيوني .. من الفرحه بأخوي

وفوق هذا قبل ثلاث ايام كنت بروح السوق مع اخوي الكبير .. قال أخوي الصغير والله ما يوديها إلا انا ,,
ورحنا مع بعض وإستانسنا .. ومعروف عنه هو يكره الأسواق ..

وصار يتصل علي ويتطمن .. تبين شي .. تعشيتي ..
مدري تغير كثييييير ماشاء الله

وقبل ما يقعد وماياكل مع ابوي .. الأن يروح إذا فضى مع ابوي وياكل معاه


بس فيه شي واحد بأخوي أتمنى يتركه التدخين والأغاني

يقول مستحييل أتركه هو والأغاني

الله يوفقكم يابنات إدعو لأخوي إنه يترك التدخين والأغاني

وإدعو لكل إخواني بالهدايه والمحافظه على الصلاه


وأشكر كل وحده دعت لأخوي سواء بقلبها ولا كتبت بموضوعي ..

الله يوفقكم كلكم لما يحبه ويرضاه

الله يرزقكم الرزق الحلال المبارك

الله يعطيكم على قد نياتكم

الله يحقق لكم ماتتمنون

الله يرزقم الجنه والنجاة من النار
أنا وإياكم وجميع المسلمين والمسلمات

:26: