السلام عليكم ورحمة الله وبركاته
بنات الله يخليكم من تعرف علاج لمرض ابو وجه الي يسمونه ( اللوف ) واسمه الطبي التهاب العصب السابع
وهو الي يلف الوجه على جنب
خاصه عند الاطفال انا من امس وهو بادي مع بنتي عمرها سنتين ونصف رحت بها لمستشفى سعد التخصصي بالخبر وماوصفوا لها اي علاج يقولون الاطفال مانعطيهم علاج لانه 90 % يشفون منه تلقائيا من غير اي علاج ونا موب مقتنعه وخايفه يبقى له اثار في وجها بعد مايروح
والمشكله انه اكثر شي مايخلي له اثر هو بعض التمارين العضليه الي يسويها الواحد لنفسه علشان يقوي عضلات وجهه ويمرنها مثل تفخ البوالين ومضغ العلك والابتسامه بقوه من غير ماتبان الاسنان ومن هالحركات بس بنتي صغيره وميب فاهمه علي لاجيت اقولها سوي كذا ولا كذا حتى تدليك وجها ماتخليني الله يصلحها ومررررررره متبهذله معها مانيب عارفه وش اسوي معها
الله يخليكم الي تعرف احد يعالج هالمرض بالشرقيه او عندها اي معلومات عنه او طريقة لعلاجه تقولها سواء علاج طبي او شعبي
والله يجزاكم كل خير وياليت الي ماتعرف عنه شي ترفع الموضوع على الاقل
وتكفووووووووون ادعو لها ان ربي يشفيها ومايبقى لهالمرض اي اثر بوجها تكفوووووووووووون الله يخليكم ومايوريكم مكروه لاانتم ولا من تحبون وتعزون
يلزم عليك تسجيل الدخول أولًا لكتابة تعليق.
اولا سلامات وما تشوف بنتك شر احنى بتبوك عندنى دكتور اردني يصرف ابر لهى المرض مده سبع ايام وتتجنب الضو والا شعه وبعض الا كل اختي صابهى وهي بثاني متوسط ومشاء الله طابت بدون رياضه ولا نفخ بس ابر ورجع عادي اسم الدكتور محمد عقل
مرحبا الله يشفيه اولا ثم هذا علاج بديل قومي بوخز شحمه الاذن بالابره 3او4مرات علي خفيف و****الله يشفيك
الصفحة الأخيرة
اسمعي لازم تودينها لمره تعرف تكوي وتكووون وحده ثقة
وهي بتحجبها
ومن ضمن الموانع الصوت والنور العالي وكذا
صار مع كذا وحده اعرفها وكووها والحمدلله تشافن بقدرة ربك
ومع الكوي والحجبه 99 % بإذن الله ماتكون فيه اثآر
ربي يشفيها يارب