الله يخليكم ودي افرح زوجي واللي تساعدني راح ادعيلها بصلاتي ان الله يفرج همها

السلام عليكم ورحمه الله وبركاته


اخواتي العزيزات ابغي مساعده منكم انا وزوجي العزيز قررنا ان نعمل رجيم اتكنز
الصرااحه اكثر هو اللي شجعني لان زاد وزني كثير كثير بعد ولادتي الثالثه وجبت بنت تجنن وسميتها اشجان هو الله يخليه ماقالي بوجه عبارة نسوي رجيم هو لانه شاف 2 من اعمامه عملوا رجيم وخفوا كثير وهو شافهم انا ماشفتهم وقعد على قلبي كل شهر يقولي اقوله نفسيتي تعبانه مااقدر وخصوصا اني قاعده ادرس للتوفل وهذا بحد ذاته مااقدر اعمل معاه رجيم المهم هو تملل مني وقررنا على بدايه سنه جديده نسويه مع بعض الصراحه اكثر يابنات سوالفي مع رجيم ماطمن وخصوصا ان جسمي من نوع اللي يزيد لكن ماينقص الا بصعوبه وغير محاولاتي كثيره فاشله وحسيت ان زوجي يبغيني اضعف بس موراضي يقول بوجهي هو بطريقه تلميح خفيفه وبعد ياطويلات العمر تعبت من وزني صحيا ضيق تنفس مااقدر اعمل مجهود كبير الام ظهر والرقبه وغيرها

فقررت تكون هالسنه ان شاءالله وجه خير لي ولزوجي

المهم معليش طولت عليكم شرينا كتاب اتكنز وخذ طريقه من اعمامه
اولا كتاب مش مفهوم ابداا
ثانيا اعمامه مافهمونا ايش ناكل ايش مسموح بالعربي شرحهم غير مقبول

عملت بحوث بالانترنت بس مش مذكور الاكل مسموح وغير مسموح

فعملت بحث هنا بحواء نفس شي حصلت مواضيع كثيره كل عضوة تقول شي مافهمت ابداا

وايضا يابنات انا ماعندي وقت اقرا ردودكم اللي تتعدي 16 و20 صفحه وخصوصا اني ام وعندي 3 الله يخليهم وغيره هذا قاعده اتحضر للتوفل

فقلت يابنات الله يجزيكم خير ويتقبل منكم دعواكم ليل ونهار اللي سوته هذا رجيم تكتبلي؟

ممنوع ومسموح من الاكل بوجه عام وكل شي عن رجيم بطريقه بسيطه ومختصره عشان اكتبه بورقه

لاني راح اودعكم بعد 4 ايام مسافره لندن عشان باقي كورس حق زوجي ويتخرج وراح اغيب عنكم لمده 4 شهور بحاول نركب انترنت هناك


اتمني يااخواتي اللي تعرف معلومات عن هذا رجيم او اللي جربته تكتبلي
الله يخليكم محتاجته ضروري ودي بكره افرح زوجي واعطيه ورقه عشان نبتدي وراح ادعيلكم بصلاتي وعند كل اذان ان الله يفرج همكم وكربتكم مثل مافرجتوا همي ويحقق احلامكم ويديم عليكم صحه اللهم امين