الله يخليكم ويطول اعماركم بطاعته ... طيبة قلب ام سذاجة

محتاجة افضفض

مليت من غبائي وطيبتي اللي اسميها سذاجة

انا الحمد لله منطلقة وماهمني احد واحب المزح واحب الحيااااااااة << طيب وش المطلوب

الناس ماصار عندها ذوق ومحبة وتواصل وخوف من الله ورحمة واتكيت

كل واحد همه نفسه

سبحان الله تكشفت حقائق ومعادن الناس

انا ماني حساسة من طلاقي ولا جبت خبره

بس اللي حز في نفسي

صديقتي الروح بالروح من 12 سنة



الله يتمم عليها تزوجت والله يهنيها

ماقالت لي عن خطبتها

وانا اول ما انخطبت رحت اعلمها قبل اخواتي واشاورها

ومع هذا ما حز في نفسي التمست لها العذر(كنت توي متطلقه)

المهم ماعمري سألتها عن زوجها ابد ولا وين يشتغل او اي شي

وانا اول ما تملكت كل شي خريته لها عن اسمه ووظيفته ووين يشتغل ومن وين واصله وفصله

حتى مره ارسل لي المحروس حسيبه الله رساله... من خبتي وريتها لها وقامت تشوف رسايله الباقي ولا قلت شي

اول يوم من زواجي دقت علي تسألني انا مرتاحة او لا وويني فيه وماسافرتي للحين
وانا كل شي قلته من طيبة قلبي
(انا الحمد لله متكله على ربي ولا همي انها تحدسني لاني ولله الحمد محصنة نفسي )

ما علمتني عن شبكتها ولا مهرها ولا اي شي يخصها

والله ما يهمني كم مهرها وبكم شبكتها ولا احب اصلا اسأل عن هالاشياء لانها ذوقا عيب اسأل
واسألتي بالذات تفسر على معنى ثاني << مطلقة وش تبي (اكيد تبي تقارن )

واللي حاز اكثر من تملكت
ما تتصل << مايخالف طافة بملكتها

ارسل لها بالبي بي ما ترد

ارسلها مزح عن الزواج وكل شي ما ترد

سبحان الله ارسلها دعاء لها وله ترد على طووووووول (آآآآآآمين )




حضرت زواجها وماشاء الله مرتب وملموم وحتى بكيت يوم شفتها لأني من قلبي فرحت لها


وهي استقبلتني ببرود وجفاء بس ماشاء الله اهلها رحبوا فيني وخصوصا امها الله يسعدها

وانا متأكده انها عزمتني عشان ما يوصلني خبر انها عزمت صديقتي الثانية والا انا مطلقة اخوف لاني احسد

والحين هي في شهر عسلها الله يوفقها ويتمم عليها ويوفقها ويجعلها له قرة عين

بس سوت فيني حركة باااااااايخة مايسويها احد عنده ذوق ثالث ايام زواجها

رحت لاهلها اعطيهم بطاقات زواج اخوي

واكتشفت انها فيه مابعد سافرت وتقول لي شغالتهم انها فيه
قلت لها ناديها (متعودة اشوفها لو ببجامتها وبدون مكياج )

جتني شغالتهم قالت ـ سديقة ـ تقول ما اقدر (عندها روميو ما تبي تتركه )

قلت خلاص وصلي لها البطاقات وطلعت من بيتهم خانقتني العبرة

قلت في نفسي انا الغلطانة لاني ماعلمتها ويمكن مو مستعدة <<< (مابي اتقهوى ابي اشوفها )

بس على الاقل كان اتصلت تتعذر مني او تشكرني عشان البطاقات لاني عرفت انها فيه وهي نفسها عارفة اني كنت ببيتهم



اضطريت بعدها امسح رقمها من جوالي واحدفها من مسن البي بي

بتقولون لي اعذريها هذا ثالث يوم زواجها

انا ماراح اعذرها ابد
وحده تتصل علي اول يوم زواجي وارد عليها واكلمها وكل شي اقوله لها
خطبتي علمتها

طلاقي درت فيه قبل لا يتم هههههههههه


الله يخليكم وش تفسرون موقفها

ادري كلامي ملخبط بس والله بكيت لين قلت

خواتي يوم جيت لهم رحموني وقالوا لي ولا يهمك انتي خلاص

بس لا تمسحين رقمها خليك على تواصل معها

لانها بتحتاجك

وانا والله موقفها سبب لي جرح غائر << متعوب عليها