لو هم غرب كان بيكون صعب بس هم اهل زوجك مو غرب بالعكس ماتوقع ينتقدون الاثاث او الصحون لانهم عارفين وضع ولدهم اذا بينتقدون راح ينتقدون استقبالك لو كان سئ او البيت لو ماهو نظيف
فعلا لاتهتمي بالشكليات اهم شي حسن الاستقبال ونظافة البيت وحسسيهم انك مبسوطه بجيتهم واذا ضروري عشوه اتفقي مع زوجك يكون من برا اولا لانهم كثيرين وثانيا ماراح تقدرين تسوين عشا وانتي لحالك ومحد يساعدك هذا في حال لو جو كلهم وهي مره وخلاص بعد كذا خليها قهوه عصريه بس والله يوفقك وتصير يارب احلى عزيمه
الصفحة الأخيرة
لو كل مرة بتقولين كذا بتمر سنتين ثانيات وماعزمتي أحد. مو حلو كذا
البيت نظفيه حبه حبه تنظيف عميق بتخلصينه بثلاث أيام تقريبا
نجي للضيافة. أهم شيء عطيهم خبر قبله بكم يوم عشان مايرتبطون ويروح تعبك ع الفاضي. مع القهوة تمر ونوع حلا ومعمول جاهز. والشاهي لاتقدمين معه شيء عشان العشاء
العشاء خليه بسيط والله مافيه احلى من البساطة كبسة وسلطة وصينية خضار وحافظة قرصان ولبن وعصاير طازجة أم ريال اللي تجي علب صغيرة وفاكهة أو صينية حلا سفرة
لاتهتمين بالشكليات اهم شيء حسن الاستقبال ونظافة البيت
توكلي على الله واعزميهم هالأسبوع