السلام عليكم
تخيلوا بنات وامهات حوا والله صار لي موقف الخميس في الليل ،، حسيييت ان ولدي بيروووح من يدي .. والله حسيت كان الدم وقف في عروووقي ..
ولدي عمره سنتين يوم الخميس اللي فات ماكان فيه الا العااافيه ربي يخليه لي بسسس كان ما يااكل ومايشرب وكنت اهاوشه عشان ياكل ،، :06:
يوم صارت الساعه ١٠ ونص قست درجة حرارته طلعت ٣٨ وعرفت ليش ماياكل ووديته المستوصف وقالوا التهاب بحلقه وعطيته تحميله فيفادول ...
على الساعه ١ الليل رحت اجهز له الكمادات لان حرارته مانزلت واخذه ابوه ينام جنبه مامداني ادخل المطبخ الا زوجي يناديني تعالي شوفي الولد و اشوفه الا عيونه بيضا صارت على فوق وجسمه حااار وطااايح وماايحس باللي حوله انا خفت بس مسكت نفسي شوي وعطيته تحميله مره ثانيه و شلت ملابسه اللي لابسها ماعدا الداخليه وركضت فيه على المطبخ و بللته مويه من المغسله واحاول اصحيه وماصحى بعد اقل من دقيقه الولد صارت شفايفه سوودا ولاعاد تنفس ابد انا هنا تعالوا شوفوني والله جلست اصرررخ وانادي زوجي واصررخ المستشفى وهو بعد مسكين قام يمسك الولد ويضمه ويصيييح ويدق الباب على حماي ساكن قدامنا وانا البس عباتي ونررركض الشاارع و والله رحت وعباتي مقلوبه و حاافيه و لا حتى غطيت وجهي بس العبايه ةالشيله لابستها اي كلام وطول الطريق وانا اصيح واسمي عليه واقرا عليه المعوذات ونركض على الطواري و ندخل ركض على الطواري و التفوا عليه الدكاتره والممرضات والولد صار يرررررجف وشبه متخشب بس الحمدالله تنفس و يطالع فينا انا وابوه ويدخلون فيه ابر الدنيا ما خلوا مكان العروق اختفت ويدورون واحد والله يابناات كل مادخلوا فيه ابره يدمع بسسسس بدوون مايقاوم ياااااعمري وماااااقدر اسوي شي بس واقفه قدامه يشوفني و خافوا لايكون يصير لي شي عشان انا حامل في الثامن وكل شوي يقولن لي اجلسي انا ماااا اققددرر .. ودي اضمممه ودي احطه بين ظلووعي ...
بسسس وااااقفه ومااا اقددر الا بس اطالع فيه واناديه من بعييد لبعييد .. عشان يحس فيني .. بعد معاااناااه لقوا فيه عرق .. وخذوا منه التحليل وركبوا له مغذي .. واعطه ابره مهدءءه بالوريد و رتاح و ناااام ياعمري ..
كان فيه ممرضتين بريطانيات يحاولون يخففون علي وكل شوي يجن يسالوني ايش اخباري و يقولون عندنا ببريطانيه كثييير تصير .. انتي هونيها ترا عادي ..
سالتني وحده فيهم .. انتي تتكلمين انجليزي كويس .. قلتلها ايوة انا كنت ممرضه وبطلت .. لا تساليني كيف ما عرفنت اتصرف مع ولدي .. !! ترا انا اتصرف مع الكل الا ولدي ماااا اعرررف اوقف واجمد مكاااني ما اعرررف انسى كل شي ,
قااالت انا فاهمه عليك ,, كل الامهات كذا ..
جلس نايم الى 4 الفجر صحوه بعدها حولونا للمستشفى اللي يتعالج فيه .. ونوموه في البدايه قالوا 24 ساعه وبعدها عطوه تحميلة فولتارين (مع اني سمعت ان الفولتارين خطير على الاطفال ويعطى تحت اشراف طبي في الحالات القصوى فقطط)خفت الحراره طلعوه على الظهر ,,
لو تشوفون حالته يابنات .. المغذي برجله اليمين والولد ما اكل يوم الخميس بطوله والصبح على الساعه 5 الفجر يبغى يمشي ويتحرك .. بس فيه دوخه .. والله قلبييي يتقططع علييييييه .. ويقولي يبغى عصير بس مارضوا اعطيه شي .. قهروووووني .. نااام وهو جووعان يااااعمري عليه .. وصحى على الساعه 8 وشاف الفطوور .. ياااانااااس والله هاااالك من الجووع .. ااكله شوي شوي رجع ينام من جديد انا واياه بنفس السرير .. بحظني ..
الله لاااا يحرمني منه .. والله ياابنات صرت خلااااص ماعااد اقدر انام واذا حسيت اني باتعمق بالنوم افزز على طوول اخاف يصير شي انا نايمه .. والله اتخيل امووور اعوذ بالله من ابليس ,, اخاف عليييييه بزياااااده ,,
وهو نايم بالمستشفى اتكلم معه واقووله والله اخليك تكسر وتسوي اللي بخاااطرك .. الله يخليك لي و تكبر بصحه عافيه و اشوف عيالك ..
اقوله كلمه دااائما اقلها له يجي يضمني ويبوسني .. اقوله احبك .. وهو يرد ايوه ماما احبك ..
ياااانااااس والله اكتب لكم وانا خايفه .. دموعي ما توقف كل ما تذكرت الموقف ..
الحمدالله ربي ستر وقام بالسلامه ..
وانا اصلا كتبت موضوع عن التشنج الحراري قبل سنه ..
http://forum.hawaaworld.com/showthread.php?t=2354260
بس مع ذلك ,, ماعرفت اتصرررف .. طلع الموضع يحصل لـ 10 بالميه من الاطفال .. يختفي في عمر 5 - 6 سنات باذن الله ..
كل اللي علي اسويه :
احطه على جنبه
اعطيه تحميلة فيفادول
و اي تيار هوا سواء مكيف او دريشه على وجه مع الطبطبه الخفيفه على ظهره ..
وبااااذن الله ترووح ..
بنااات ادعوولي .. ربي يخليه لي ولابوه و يكبر واشوف عياله و يبر فينا ان شاء الله .. ويشفيه ان شاء الله .. والله روووووحي معلللقه فيييييييييه ..
ورده مقطوفة @ordh_mktof
محررة برونزية
الله يـــخــــلــــيـــك لي يـــا ولــــــدي و لا يــحــرمـــنــــي مـــنـــك ...
34
9K
يلزم عليك تسجيل الدخول أولًا لكتابة تعليق.
الجوهره111
•
يارب يحفظه لك ويخليه لكم وماتشوفين فيه مكروه يااااااااارب
الله يخليه لج ويحفظه يااااااااااااااااااااارب ويحفظ لنا عيالنا
بكيتيني ودموعي مو قاعده توقف
بكيتيني ودموعي مو قاعده توقف
الصفحة الأخيرة