انا سبق اني قلت لج استخدمي خلطة الثوم بتفيد وياج بس انتي لانه شعرج يتساقط وايد + وصفات البنات الوايده مب قادره تصبرين ولا قادره تستحملين انه شعرج يتساقط ونفسيتج تعبانه ومتعبه شعرج اكثر شوفي اول شي اشتري الفيتامينات اللي قلت لج عليها داومي عليها ست اشهر على الاقل ويا خلطة الثوم والله بيرد شعرج روعه وحلو بس انتي ركزي على هالخلطه وانسي كل الخلطات الثانيه لمدة شهرين بس ما اطلب منج اكثر استحملي شهرين وقاومي الخلطات اليديده وبشوفين النتيجه اللي ترضيج صدقيني واسمعي كلام يوالله بتستفيدين انسي كل شي وركزي على هالخلطه والفيتامينات وحاولي تنسين التساقط وحاولي ما تمشطين شعرج وايد مره باليوم يكفي علشان ما تفكرين فيه واذا مب قادره تقاومين الخلطات الوايده ومب عارفه شو تبين وشو تستعملين وبنفس الوقت تبين نتيجه سريعه اصبري بس شهرين اباج تستمرين على وصفة الثوم لانه الشعر مثل بنى البيت ينبني اشوي اشوي بس يوم ينهد بثانيه ينهد اصبري واستعملي خلطة الثوم والبصل ويا الفيتامينات ويا الدعاء والمعوذات وحاولي ما تدشين فتره قسم الشعر دشي الاقسام الثانيه علشان لا تقطعين هالخلطه وتستخدمين شي ثاني وتخربين اي علاج اتسوينه بعد شهرين انشاءالله تبشرينا

اختج سندويشه

و الله مشكوورة اخت سندويشه على وقفتج معاي ...بس و الله انا حاسة انه السبب ها الدواء الي استخدمته ...و البنات ملكة النحل و جموولة و سهرانه مشكوورات على المساعدة ..فودي اعرف كيف اتخلص من تاثيره لانه كلهم ايقولوون انه مب زين و انا الحين ما اسويله شي اللهم اتسبح بشامبو للقشره ,....

السلام عليكم

انا استعملت هذا الدواء

مو هو في شكل بخاخ؟؟؟ وانا الصراحة لا حظت نمو شعر جديد بس بعد شهرين من الاستعمال المتواصل
مرتين في اليوم


لازم تستعمليه لمدة اربعة اشهر عشان يبان التأثير حقو

وما تشوفي شر

:26:

السلام عليكم

شوفي عيوني أنا أستخدم هذا الدواء الأن ولي عليه تقريباً سنة ومستمرة ومو ناويه أوقفه لأنك انتي غلطتي لما وقفتي من استخدام شهر واحد والطبيبة اللي قالت لي عليه تقول راح تشوفين النتايج أقل شي بعد سنتين وكمان تقول استمري وماعليك منه ان شاء الله ضرر وعموماً أنا بدأت الأحظ ان عندي شعرات صغيرة قاعدة تنبت وانا مثلك ماعندي أي مشكلة بالحديد أو الهرمونات ولله الحمد وكاتبين لي هذا الدواء كحل أخير
وبالنسبة للتساقط فالطبيبة قالت إن هذا الدواء يطيل عمر الشعرة اللي تبي تطيح ( يعني يمسكها مكانها ) وبمجرد إيقاف الدواء تطيح فهمتي عليه يعني هي طايحة طايحة بس الدواء خلاها تطول معاك شوي
هذا اللي عندي وطولت عليك بس والله حاسة فيك لاني مثلك حتى جتني فترة صرت والعياذ بالله أفكر في (الباروكة) لكن الله يتوب علينا ويشفينا من هالتساقط والصلع
وسلامتكم
:24: :24: