اختي لا تطالبينا بحل مشكله ابنك بل طالبينا بحل مشكلتك وانا اقولها لك حلي مشكله عصبيتك اكثري من الاستغفار والدعاء ان الله يثبتك ويهديك لأن به امور اكبر واكبر من تبول وغيره والطفل مرءات لأمه بيكون عصبي جدا وعدواني مع الاطفال واذا كبر معكم ليش قالو الام مدرسه اذا بتعرفين طبع الام شوفي اطفالهم لأنهم زي ما قلت مرءاة اجل لو انه يعمل الكبيره وانا ابي منك السموحه بكلامي السابق لكن بجد رحمته ولا زال بمخيلتي يبي احد يستنجد به ويعطيه الامان اختي غيري وضعك لأن الابناء اذا انحرفو وصارو مجرمين بسبب مشاكل البيت ما به اي امان لهم ويبحثون عن الامان برا ويلقون الي ما يخافون الله ويسيرونهم نحو الانحراف والجريمه انتقام لما يصير لهم ولا عليك من اي وحده تقول كبير ابد ما صار إلا خير تبول ضميه وبوسيه قولي معليش ماما منشان تصير نظيف وريحتك حلوه اذا حسيت بك بوله تعال لي او انت رجال تروح وحدك الحين الي ابيه منك تغيرين المعامله وتصبرين ودايم تذكري انك ماءجوره اجل ليش لنا 3 حقوق والاب حق واحد والله يهديك ويهدينا ويعيننا على تربيتهم والله يخلي لي ولك ولخواتي ويصلحهم.

اه ياربي كل مانقول راح الجهل نشوفه يرجع طيب الضرب يخليه يتبول على نفسه ..ارحميه طفل مو بكيفه اصبري عليه لين يتعلم وش اهم نفسية ولدك ولألفرشه اللي خايفه تتوسخ وكلها كم شهر وتنرمي وتتغير

لازم تصبرين الضرب ماراح يجيب نتيجة معاه وطبيعي يتعلم ويرجع ينتكي ترا الصبر الصبر

حرام عليك هذا ولدك وايش صار اذا تبول على نفسه ممكن عنده سلس بول وما يقدر يمسك نفسه
خصوصا اذا كان يناقز كثير او يطب من مكان عالي

انتي أمه اذا انتي ما تحملتيه تبينا حنا نعلمك

والله يالغالية عندي بنتي لين جاء عمرها 6 سنوات وشوي كل ساعتين ثلاث أوديها دورة المياه حتى وهي نائمة اصحيها وأوديتها عشان تتبول بالحمام لين الحمدلله الحمدلله ما صرت أخاف تعملها على نفسها

ترى عمره لسى صغير ويفرض عليك انك لسى تعلميه

وسنه محرم شرعا ودينا فيه الضرب

الضرب يسوي عنده رهبه وخوف وردة فعل عكسية يصير مايقدر يتحكم في العضله وينزل غصب عنه حتى ممكن يتطور ويصير حتى وهو نايم


الله يصلحك اش يعني يتبول على نفسه ولا يكون عنده توحد ولا مشكله مزمنه؟؟ حرام والله حرام اتقوا الله فيه