الله يرحمك ياميمتي ادعوالأمي تكفووون وواسوني

السلام عليكم ورحمة الله بنات اناياماكتبت لكم عن مشاكلي مع زوجي واهله ووقفتواجنبي الله يجزيكم الف خير عني ويسعدكماليوم بقولكم عن امي انايتيمه توفت امي وعمري ست سنوات وربتني ام ابوي جدتي ماعرفت ام غيرها ماناديت يمه الا لها لاقلت امي اقصدها اهي ماقصرت معي انا واخواني الله يجزاها الجنه ربتني علا الدل والدلال كانت تدرس معي وهي اميه كانت ترتب شنطنها وهي ماتعرف الحرف كانت تغسل ثيابنا وحنابالكليه وهي دتي يعني عجوز كبيره وتزوجت ورحت مدينه ثانيه وتعبت امي وصارت مقعده وكنت ازورها بس علافترات باعت ذهبها واعطت فلوسها لعيالها عشان ترضي حريمهم كانت تتنقل من واحد للثاني محدقدرها مره رحت ازورها ببيت عمي انا وزوجي جايبه لها العشا لقيتها بالملحق مولعه عليها لمبه ضعيفه وحفايضها تحتها مرمايه والجيك حق الماي وسخ ودخلت بيت عمي بعدها بسلم علازوجته عشان ماتسوي لي مشكله لقيت امها جالسه بوسط الصاله وجنبها دلة الشاي والقهوه والتمر وبيدها الريمونت حق التلفزيون وبنات عمي حواليها ليشششششششش امي ماهي جدتهم؟؟؟؟؟؟؟؟؟؟؟؟؟؟؟؟؟؟؟ودخلت امي المستشفى ماتوقعت بيوم انها بتموت توقعت تطلع مثل العاده 0 امي كانت تموت وانا ماادرياسلم عليها وامزح معها واسافر قبل لاتتوفى باسبوع زرتها ماكانت تتكلم سلمت عليها وجلست مع باقي اخواني وعمتي وطلعت حبيت راسها عادي وكانت نايمه الاسبوع اللي بعده بنفس اليوم يوم الجمعه دقت علي اختي تقول جدتي ماتت رحت اركض علا بيت عمتي فتحت الباب مالقيت غير سريرها صرخت بوجه عمتي وين امي وين اميييييييي قالت لي راحت شالوها خلاصرحت المستشفى بتاكسي ابي احب راسها ابي احب رجولها ابي اقول لها جزاك الله خير عنا ماقصرتي يمه سامحيني يمه ماعرفت ادخل عليها كان جمعه والموظفين نصهم مو موجودين وغسلوا امي بالحالها مامعها احد واندفنت امي وكنت بمووووت ذاك اليوم كنت بموت وربي ولارحت العزا قلت مين بيعزيني بامي؟ مين حزين عليها غيري ولا رحت وللحين بقلبي حرة امي وكل ماتذكرت اصيح ونفسيتي تعبانه مرررررره
ماعاد في حد يرفع يده للسما ويدعيلي ماعاد في حد حولي يخاف علي ماعادت امي موجوده ماعاد اشوف هالحنان بعيون حد ابدليتك يايمه ترجعين لو ثواني وانزل احب ايدينك ورجولك اشتقت لك يايمه