الله يرحمك يا اطيب قلب

الله يرحمك يا ابوقلب طيب
يابنات والله قلبي منفطر على ابوي
اخوي الكبير اليوم رسلي فيديو من القبر
اخوي هذا عنده ولد في اعاقة بعقله مثل مايقولون على البركة
المهم هذا الولد كان متعلق ب ابوي بشكل لا يوصف
بحضنه على طول وانواع الدلع والسوالف والضحك والمزح
والله يقعدون ساعات يطقطقون مع بعض ويطلعون مع بعض يعني ابوي كان بالنسبة له كل شي دنيته وحياته وكل شي
ما ابالغ والله كان يجلس عند ابوي يقعد ساعة بس يبوس راسه ويبوسه من كثر مايحبه
ماينادي الا ب اسمه
وفقد ابوي فجأة يوم مات مع انه مايعرف ايش يعني الموت ولا يميز
وكان ببيت اهل امه يوم مات ابوي ويوم رجعت امه عشان ابوي
طوالي راح المجلس يدور ابوي
صارله من امس يدور على ابوي رايح جاي يناديه يقوله يا ابو فلان وينك ويدوره ويجي يسأل عليه واحنا دموعنا بعيوننا
وبالاخر راح قعد بالساعات بالمجلس لي كان يقعد فيه ابوي بنفس المكان قاعد على امل انه يرجع ابوي 😭😭😭
امس رحت بيتي من التعب بعد العزاء ويوم صحيت اليوم اخوي راسلي فيديو للولد بالمقبرة قاعد قدام القبر
ينادي ابوي
يقوله يلا يا ابو فلان قوم عاد ارجع معانا البيت وقاعد يكلمه وهو بالقبر كأنه عايش
قلبي انكسر ودموعي مو راضية توقف
الولد للحين مو عارف السالفة وقاعد على امل انه ابوي يمكن يرجع للبيت قاعدله بالمجلس من اول مايصحى من نومه
كله يسأل عليه
اخ من موت الفجأة كيف يجي
كل ما احاول الهي نفسي ارجع ابكي اكثر من قبل
والله يابنات صح انه مريض وكنا متجهزين نفسيا بس صعقنا بموته
هم خذوه بنفس اليوم لي توفى فيه للمستشفى عشانه فقد الوعي فجأة ورجعوه بنفس اليوم
وكلمته وطمني على نفسه انه مافيه شي
وخصوصا قبل شهر تحسنت حالته ومافيه اي شي
بس الحمدلله انه مات على حسن خاتمة مات وهو يتوضأ بالحمام لصلاة العصر
مالقوه الا طايح بالارض وسحبوه لبرا ويوم وصلو للمستشفى كان ميت
والحمدلله انه سيرته بين الناس انه كان طيب ومحب للخير مع الناس كلها والكل شهد له وهم يدفنوه ب اخلاقه وطيبته
فجعتي فيه مافي مثلها
الله لايذوقها ل احد مرارة فقدان الاب