الله يرحمك يا هاجر ويغفرلك وايصبر امك علي فراقك

السلام عليكم
بنت خالي وبنفس الوقت بنت عمتي .. طالبة في السنة الرابعة طب
توفت الله يرحمها .. صارلها حادث في العشر الاواخر من رمضان وهي كانت
راجعة للبيت مع اخوها ... كانت نايمة بالسيارة واخوها كان
يبي اينزل المربع اللي بالسيارة من فوق عشان ايغطي وجهها عن الشمس
فانقلبت بيهم السيارة وهي نايمة ومافاقت نهائي .. ظلت في غيبوبة بالمستشفى
لرابع يوم العيد والله اخذ امانته ... وهي طبعا الصغيرة في خواتها
سبحان الله لما ربك يكتب للانسان ان ساعته بتوقف
كانت تزور زوجة اخوها بالمستشفى ومرت على اهلي بالبيت
وامي كانت ماسكة فيهم .. تقول لهم اقعدوا افطروا معانا
بس هى تقول لها لازم نرجع البيت ... وبيش ربك كتب لهم الحادث
الله يرحمك يا هاجر ويرحم خالي وكل موتى المسلمين
والله ايصبرك يا عمتي ويجمعك وياهم في الجنة
ونسأل الله حسن الخاتمة لنا ولسائر المسلمين والمسلمات
وانا لله وانا اليه راجعون