السلام عليكم ورحمة الله وبركاته
اخواتي بدخل فالسالفه دوغري
هذي جدتي الله يغفر لها ام ابوي ماتت بسبب انو بقايا مشيمة كانت جواتها ماطلعت وتسممت ياحياتي حتى ولدها اللي هو عمي توفى معها الله يجعله شفيع لها يارب
ادري بتقولو وبعدين<<<<فيس مستغرب
بس بقولكم تحمدو ربكم ع النعمه اللي احنا عايشين فيها من تطور طب ومستشفيات الله يعز حكومتنا مو مثل اول قسم الوحده تبحل<<يعني تتورط
بروحها ان وفقت ف داية كويسه والاراحت فيها ياحياتي حريم اول ينرحمون كنت اسال جدتنا كيف يسوون اذا الوحده جنينها معترض او نازله رجوله يعني منقلب تقول نمسك اطراف رجولها ونرجها ونهزها هز قوي<<<واحنا علطول يسوون لك قيصيري بلاتعذيب وبهذله
ياالله رحمتك يارب اصلا انتي هذيك الساعه تتالمي وقت الطلق ولاودك تتحركي تظلي ع وضعيه وحده وانتي ف مستشفى وحولك ممرضات ودكتورات ويعطوك مهدئات ومسكنات واوقات ماتحسي بالم الطلق من ابرة ورك وابرة ظهر...... وهذولي يهزونها واحيان تقول بعدماينفع معها وتموت والم الطلق حاجه ثانيه تقول احيان الوحده تطلق اسبوع او يومين ولاعندها شي يسكنها تقعد لين ربي يفرج لها,,, ياربي فجيعه قسم...مو احنا نروح طيران للمستشفى ويدلعونا ويعطونا مسكنات الطلق..
وسالفة نفاسهن سالفه طبعا انا اتكلم عن الضعوف اللي مالهن والي لانو حتى الاولين بعضهم متطورين خاصة الاغنياء واللي ساكنين مدن رئيسيه مثل الرياض وجده والدمام مو قرى
تقول اغلب نفاسها جوع تحتري بس حد يجيها يتصدق عليها بلحيمه او قرصان ياحياتي.. مو احنا كل يوم شكل ونوع ودلع وضيافه الله المستعان
حتى سالتها عن الدورة اش يلبسون<<<ياكثر هذرتي
تقول كنا نلبس شيال والشيال للي مايعرفها الطرح الخفيفه المنيخل تقول نلبسهن بالتناوب كل وحده عندها ثنتين تغسل وحده وتستخدم وحده ودايمن وقت الدورة جالسه واللي مرة معدومه ماعندها شي يعني فقيرة تحفر لها حفرة تحتها خاصة اول يوم وتقعد فيها<<<قسم تقطع قلبي عليهن واحنا نقول اش احسن ماركة فوط ومادري ايش
ابي كل وحده منكن قرت موضوعي ماتطلع الا وهي داعيتن لجداتها وموتانا وجميع المسلمين وان ربي يعوضهم مالقو ف حياتهم بجنات النعيم يارب العالمين:44:
المغتربه عن اهلها @almghtrbh_aan_ahlha
عضوة نشيطة
يلزم عليك تسجيل الدخول أولًا لكتابة تعليق.
اميره زوجي
•
الله يرحمها ويغفر لها والله احنا بانعمه الحمدلله
الحمد لله وحده لاشريك له على هالنعمةاللي احنا فيها
الله يرحم جدتك ويرحم جداتي ويرزقهن جنات النعيم
الله يرحم جدتك ويرحم جداتي ويرزقهن جنات النعيم
يآويحى قلبي خخخخخخخخخخخخخخخخ آتخيل نفسي جآلستن بحفره
آلله يرحمهآ يآرب
وآلله يديم علينآ آلنعم ولآ يحرمنآ منهآ
آلله يرحمهآ يآرب
وآلله يديم علينآ آلنعم ولآ يحرمنآ منهآ
الصفحة الأخيرة