الله يرحم والديكم ساعدوني في امر بعثتي

الان مضى على تخرجك حول 7 سنين ووقت البعثة يمكن تصير 8
يعني مو ممكن ابدا

من شروط البعثة انه مايكون مر على الشهادة اكثر من 3 سنوات .. والعمر ما يتجاوز 22 سنة.

وكمان نسبتك اقل .. النسبة المطلوبة 90, بالاضافة لـ 70 قدرات و 77 تحصيلي

يعني ولا شرط ينطبق عليك

مافي قدامكم مجال غير الدراسة على حسابكم وبعدين تقديم طلب الحاق في البعثة

الله يجزاك خير اختي لا للخلطات بس لو بغينا نروح انا وزوجي وطفلين صغار عندي لاامريكا على حسابنا
كم المده ؟
وافضل معهد؟
وكم التكاليف كلها تقريبا؟
وهل لازم ادخل معهد لغه انجليزيه في السعوديه قبل مااروح لاامريكا ولا كيف وهل لازم امتحن امتحان التوفل
وشكرا لتجاوبك معي

دام عددكم كثير ماشاءالله ما انصحكم تروحوا كلكم سوا .. المصاريف كثيرة يعني الطالب لوحده ممكن يكلفه 100 الف بالسنة. والاطفال يبغى لهم حضانه .. والحضانات والمصاريف عموماً جداً غالية.
افضل شي زوجك يروح لحاله ويدرس الى ما يجيه الحاق في البعثة .. بعدين يجيبكم كمرافقين له.
المرافقين لهم راتب وكمان مسموح للزوجة بالدراسة وممكن الحاقها بالبعثة اذا خلصت لغة

ماادري زوجك ايش شهادته ونسبته .. بس اذا انتي اشطر منه خصوصا في اللغة وفرصتك في الالحاق اسرع منه روحي انتي لحالك هو يوصلك ويرجع بعدين اذا تم الحاقك في البعثة تجيبينه مع الاطفال.

باختصار اللي اشطر فيكم وفرصته اكبر يروح ويدرس بعدين يجيب الباقي.

الا اذا المصاريف ما تهمك ممكن تروحوا سوا.


بالنسبة لمعهد اللغة ماهو الزامي الدراسة فيه .. اهم شي انك تجيبي الدرجة المطلوبة في التوفل عشان تقبلك الجامعة قبول نهائي.

اذا دخلتي الجامعة بسرعة وخلصتي عدد من الساعات بيصير الحاقك اسرع.


بالنسبة لمدة الالحاق في البعثة مافي لها وقت محدد .. وقت ما تكون اوراقك كاملة (قبول مشروط من الجامعة بالاضافة لباقي المستندات) ترسليها للملحقية ويفتحوا لك ملف طالب دراس على حسابه الخاص .. وبعد فترة راح ترسل اوراقك لوزارة التعليم العالي تتطلع عليها اللجنة .. ويصدر لك قرار بالموافقة او لأ.

المدة زي ما ذكرت غير محددة .. حظوظ حسب تساهل او تشدد الملحقية .. والواسطة برضو تلعب دور.

يعني باختصار اللي بيطلع على حسابه لازم تكون معاه ميزانية تكفيه لأن المدة ممكن تطول لـ 8 شهور او سنة ..

وممكن يكون حظك حلو وماتاخذ الشغلة الا كم شهر .. خصوصا لو كنتي مجتهدة.



بالنسبة لسؤالك عن التوفل ..كل الجامعات تطلبه .. لكن بعض الجامعات ممكن تعفيك منه لو درستي في معهد اللغة اللي تابع لهم وخلصتي المستويات.

وهالنوع من القبولات يسمى قبول مشروط .. يعني يقبلونك بشرط اتمام اللغة.

ابحثي عن جامعة توفر هالنوع من القبولات



بالتوفيق

جزاك الله الف خير كفيتي ووفيتي اختي لا للخلطات