الله يرحم والديكم يابنات لاتفشلوني في صاحبت المشكله حلوها لها راح تدعيلكم

مرحبا غاليتي
الخطوة الرائعة احساسك بمشكلتك ورغبتك بالتغيير وهذي بداية طيبة
الخجل صفة رائعة بالبنت وتحسدين عليها لانها صايرة قليل هالايام فلا تكرهين هالشئ بيك وخليها ميزة لصالحك
لكن باحوال معينة ففي المدرسة وبمرحلتك لابد من الاجتهاد حتى تشعر معلمتك بجدك وحرصك
فالاختبار غالبا الكل يحل لانه يسبقه فترة استعداد
لكن التميز بالمشاركة بالفصل لتسهيل الدروس لاحقاً
ممكن تقراي بالنت بمنتدى الحصن النفسي كثير رائع وتلاقين توجيهات من مختصين ابدئي بفكرة انه هالسنة لابد تكوني انسانة واضحة صريحة كلك ثقة وتدريجيا من كذا موقف حاولي تشاركين حتى لو اجبرتي نفسك
بالنسبة لسؤالك راي المعلمة
فبالنسبة لي اتقبل الوضع لكن نوعا ما احاول اتبع اسلوب تشجيع لعل وعسى

الله يعينتس

الله يعطيكن العفيه ويجزاكن خير ويحرم على ايدكن النار مشكورات وماقصرتن بس وين المعلماااات الباقيااات

هلا حبيبتي الله يكون بعونك انا مثلك طالبة ومن عرفت عمري وانا كذا والله وجهي يولع ويطفي وانتفض وزادت الحالة بعد ما دخلت الكلية لأن المجتمع كبير تخيلي اكلم الدكتور توقعت نفسي جريئة وقدام 300 طالبة قاعدة اتكلم الا واحس برجليني تنتفض وشفايفي زرقت ووجهي احمر وحار حسيت اني خجولة مرة والمشكلة كلن يقولي والله انك جريئة على ان ما يحس بالشيء الي اقوله الا انا حتى اتلعثم بالكلام على اني الحمد لله اعرف اتكلم وارد .. بس يا اختي ما ادري هالشيء كيف ينحل ؟؟؟؟؟؟؟؟؟؟؟؟


لما امشي بمجتمع حتى لو اعرفهم وامون عليهم احس الانظار كلها علي ويالله امشي احس اني بطيح ومعد اشوف الا الطريق الي امشي عليه ..

الله يكون بعوني وعونك وعون كل من يعاني مثلنا