الله يرزقنا من واسع فضله

السلام عليكم ورحمة الله...

كيفكم يابنات...

مدري من وين ابدا بس مابي منكم الادعوه من قلب صادق ان الله يسدد ديون زوجي ويفتح له اأبواب رزقه..
اليوم راحت عند اهلي وبعد شوي دق علي زوجي قالي اطلعي من غير عيالك ابي نتمشى شوي
طبعا طلعت وحسيت انه ضايقه فيه الوسيعه
ماشينا مشوار برا المدينه وبداء يتكلم عن الديون وانه مو قادر يسدد وانه يمكن ينسجن..
طبعا زوجي بدابت زوجنا اخذ سياره جيب اقساط وبعد شهر صار علي حادث والحمدالله جات سليمه ولكن السياره انعدمت اضطر يبيعها للتشليح
وبعدين اخذ سياره ثانيه بعد اقساط ولله الحمد معانا للحين.
عاد وبعدين حط في راسه المشاريع ويبي يحسن الدخل
ودخل كذا مشروع وفشل فيها وطبعا كلها قروض 
لين صار البنك مايعطونه لين راتبه مايتحمل وراح اخذ سياره بالاجل لمدة سنه على اساس ينجح مشروعه بس لاسق بعد فشل ومرت السنه وماسدد وماعنده راح اخذ سياره ثانيه علشان يسدد الاولى وباجل بعد سنه..
والحين مايصفى  لنا من الراتب شي طبعا هو يكد على سيارته اللي يطلع مصروف يومنا ولله الحمد.
بس يابنات تعرفون الدنيا الحين تغيرت صار كل شي يبله فلوس يعني الزيارات يبلها هدايا والزواجات وغيره
انا احيانا ودي انفجر ودي افضفض لاحد بس ماقدر مابي ابين لاحد اني ناقصني شي
تعبت وربي احيانا اجل زيارات وتكون لازمه علشان مامعي حق الهديه
بالرغم من ان ابو زوجي مبسوط بس زوجي مستحيل يطلبه
طبعا بعت كل ذهبي علشان نمشي امورنا


عاد اللي زاد الطين باله اليوم وحنا نتمشى بالسياره يقولي انا ضايقع فيني الدنيا ودي اهاجر مكان بعيد تعبت من كثر الديون مو راضيه تمشي معي الدنيا صح..
كنت بنفجر من البكاء مابيدي شي ودي اساعده مو قادره
بس الله كريم

الله يفتح علينا ابواب رزقه..
ابي منكم دعوه من قلب صادق