الله يعينج حبيبتي انا رأيي من رأي البنات لاا تشيلين التلفزيون لانها اكيد بتلجأ لشيئ ثاني تملآ وقتها فيه وما تدرين شيكون شيلي القنوات الشينه وحطي القنوات الخليجيه والمجد واعطيها شووية ثقه واوحي ولمحي لها انك واثقه فيها لانها بنت كبيرة وتخاف ربها قبل ما تخاف والدينها وما راح تشوف شيئ ما يرضاه ربها هذا طبعا مع الاشراف عليها وما تحسسينها انك تراقبينها لاا .. بس انك تكونين منتبهة ومفتحه عيونج دائما والله يوفقج في تربيتهم ويأجرج

مدري نفسي اقول كلام بس اخاف الله يعاقبني
تقريبا انا مو بعيده عن عمر بنتك عمري 16 بالميلادي
هذا حالي نص القنوات اقفل وانقهرررررررررر لما اسمع كلام البنات
والله الظغط يولد الانفجار بس شوفي انتي حاولي تقنعينه انه حرام اذ اقتنعت من الداخل خلاص بتترك القنوات
انا لما اختي تتكلم علي اقتنع بس مابطول اسبوع وافرط هههههه بس انتي بين فتره وفتره تكلمي عليه واعطيه شرطان واشغليه بالانترنت

الله يجزاكم خير

أنا مثل بنتك كنت اتابع مسلسلات وكذا

بعدين أبوي دخل المجد مع الوقت صارت المجد افضل
من القنوات الثانيه وحنا اقنعنا انفسنا
بفضل الله ثم المجد الله يجزاها خير
فعلا طااااااقات فوق الخيال

الحين مانشوووووف الا المجد وبيتنا مافي ستلايت
بس الاولى والرياضيه اذا بغوا مباراة
وأحيانا يتابعوا مسلسلات شوي
<<<<< تعرفين مسلسلات السعوديه بايخه ويملون ويقلبون على المجد

وصارت المجد ممليه فراااااااغنا

وبنتك انقليهــــــــا لمدرسه كويسه
أنا أمي نقلتني والحمد لله الصديقات الصالحات اثروا علي
وأمي لها علاقة بصديقاتي<< ترى مهم أن الام تربط نفسها بصديقات بناتها
والحمد لله بداية ترك المسلسلات كانت رمضان الماضي
والحمد لله بأخلص سنه بدووووووووون مسلسلات

وصرت انصح بنات الفصل خصوصا
لتكلموا عن المسلسلات تشمأز نفسي
واتركهم

والحمد لله هذا بفضل الصديقات الله يعافي ماما
وأسلوب أبوي كيف دخل المجد علينا وعلقنا فيهـــــــــــا

وحتى النت الحمد لله عندي مناعة ونفسي
ماترضى أدخل شـــــــات ولا مواقع مهي كويسه واختلاط

اللهم يامثبت القلوب ثبت قلبي على دينك
والله يهدي بنتك
وأولادك ويرزقهم الاصدقاء الصالحين <<< تأكدي أن هذا اهم شيء
وأكثــــــــــــــــــر تأثير من الاهل ..


معليش كلامي عفسه لأني مستعجله
سلام عليكم

الله يجزاج خير يا عمري ويثبتج ان شاء الله