الله يرزقها ويسعدها اللي تقدر تدلني ع حل مقنع

الأسرة والمجتمع

السلام عليكم والرحمه والله أني مشتته وابغى اتخذ قرار مصيري وكل خوفي ع بنتي من الضياع اهلي يبغوني ارجع عشان بنتي وانا في نفسي ماابغى ارجع هو بمعنى الكلمة مو رجال مافيه ذره من الرجوله يبغى الصلح ويبغى يرجعني وجاء اليوم هو وأمه عشان الصلح واللي زاد الطين بله الهدايا اللي جابها محد صاححي يجيبها جاب كرتون سنتوب وحلاوة مرشيميلو وثوب عسير لبنتي وأمه ماعندها اي رده فعل ماتستجيب وتقول والله ودي يتعالج في المصحه النفسيه وهو يقول ابغى اسلم عليها وع بنتي وهو طلقني طلقه مااجوزله وانا ورب البيت ماابغاه يابنات قسم بالله انه جامعي ومعيد بالجامعه ورتبه حلو بس مايبغى يصرف ومايبغى المسؤوليه ماعاد ابغى أضيع عمري معه وبنفس الوقت خايفه عشان بنتي من الضياع والله حتى بنتي ماتبغى تقعد معه تخاف منه وهي لسى ماكملت سنتين وهو بالأساس مو داري عنها ويرسل مصروفها الف ريال وماتسوي شي هالأيام وربي تعبت نفسيتي ومشتته ماادري وش الحل  
7
857

يلزم عليك تسجيل الدخول أولًا لكتابة تعليق.

تسجيل دخول

asm99
asm99
الله يكون بعونك اختي اول شي سجلي ايجابيات زوجك وسجلي سلبياته وشوفي وش الي اكثر بعدين خلي ابوك اواخوك ان يتفاهم معاه والاشتراط عليه انه يؤدي واجباتك ومتطلباتك واذا هو شاريك راح يوافق وحاولي تضغطي على نفسك اذا تشوفين انه بيتعدل وتبداو صفحه جديده وخلي الطلاق اخر الحلول حتى لاتندمي والله يصلح مابينكم .
صمتت
صمتت
ي حببتي ارجعي وعيشي لبنتك ماعليك منه لاتضيعين نفسك والله حرام فكري فيها والله اهلك مايدمون لك ولااحد بيدوم لك ارجعي اهم شي انك بيتك لوحدك انتي تامرين وتنهين تربين بنتك ومستقره بحياتك هو ماعليك منه اهم شي لاتضيعين نفسك وبنتك تراء وربي الحين بنات مولقيات احد يخطبهم ويتزوجهم نصيحتي استهدي بالله ورجعي وعيشي لبنتك
صمتت
صمتت
ودعي دايمن بسجوودك ان الله يصلح الحال ويسخره لك لاتيايسين من رحمه الله وحتسبي الاجر بصبرك عليه عشان تسترين نفسك وبنتك ماتدرين يمكن ربي سبحانه وتعالى يغير حاله ويسخره لك
كل حياتي بنتي
كل حياتي بنتي
الله يسمع منكم وان شاء الله بحاول أستخير ومااستعجل بقراري
عاشقة الحرررية
عاشقة الحرررية
يااختي ادعي ربك واستخيري
لاتزعلي مني بس كلمة الحق تنقال
كلنا عندنا اطفال والله مصروف 500 ريال شهريا
يزيد منها مبلغ
الا طبعا قبل العيد عشان مقاضي العيد
اذا الف ريال شهريا مصروف لبنتك ماتكفي ولاتسوي شي
معناه ان عندك مشكلة في طريقة صرفك للفلوس وممكن تكون
يدك فرطه وماتعرفي تمسكي القرش وماتعرفي ايش اللي تشتريه
ومتى ومن فين
قريبتي اتطلقت من زوجها وطليقها ماشاء الله راتبه حلو
والقاضي حكم لها بمصروف 300 ريال شهريا لولدها
واعرف وحده من جماعتنا عندها 4 اطفال الله يحفظهم
زوجها اتوفى واهله اخذوا الورث لهم والقاضي حكم لها
ولعيالها فقط 4000 ريال شهريا راتب زوجها المتوفي
وهي عندها خدامه تاخذ راتب 1800 غير معلم خاص لولدها
غير سواق يودي بنتها اللي في الثانوية ويجيبها غير 2 صغار
بحفايض ورضاعات والله مارضي يزيدها قرش قالها 4000 شهريا وبس

لاتزعلي من كلامي
واسفه لو كلامي ازعجك