الله يرزق من ترد علي من غيرلاتحتسب ويحقق لها مرادها ويوفقها / شغاله بالشرقيه

السلام عليكم

كيف حالكم يابنات حواء وياحريم حواء

اتمنى من الله العزيز القدير قبل كل شي ان يرزق من تقوم بمساعدتي ويرزقها الزوج الصالح المخلص لله ثم لها ويحقق لها امانيها ويرزقها من حيث لاتحتسب ويشافيها ويعافيها من كل بلاء ومكروه ويفرج كربها ويكتب لها السعاده في الدارين آمين

وقبل كل شي والله ان كل كلمة راح اكتبها اني صادقه فيها والله ع ما اقول شهيد سبحانه

بنات وياحريم انا حامل بشهري الثامن وقريب ادخل التاسع وغير كذا عندي بنوته رضيعه لسه ماشاء الله قدر الله اني احمل عليها بدون تخطيط شي صار من الله والحمد لله ع كل حال يارب. وغير كذا من حملت ومشيمتي نازله واذا مازان الوضع راح يقررون لي قيصريه وفوق ذا انا والله طالبه لسه ادرس يعني الله يآجرنا كله تعب بتعب لان كليتي بعيده عن مكان سكني حوالي ساعه رايحه وساعه جايه المهم مالكم بالطويله ولادتي راح تكون ع وجه امتحانات نهائيه ووامي الله يطول بعمرها انسانه شوي كبيره ويالله يالله بتراجع لاخواني للامتحانات وماعندي الا اختين اصغر مني وحده بالكليه وبرضه عندها اامتحانات والثانيه ب3 ثانوي كمان محتاجه مذاكره بتركيز لانها تحتاج نسبه

عشان كذا مفكره استأجر شغاله فترة الاربعين لو شهر مو شرط الاربعين كامله والله مالي الا الله ثم انتم ومو هنا المشكله المشكله ميزانيتي مو مره والشغالات والله غاليه ايجاراتهم 2500 بالشهر مو باستطاعتي يعني لو تكون 1000 او 1000وشوي اوكي مو مشكله ربي يقدرني عليها. وانا ع فكره من سكان الشرقيه ويابنات حتى لو تعرفون ناس عندهم شغالتين بالبيت وماعندهم مانع يستغنون عن وحده لاتبخلون علي الله يوفقكم واللي ماعندها رد ترفع الموضوع بدعوه حلوه زيها