هو بيكون المنظر جميل ويعطي إتساع في الصالة بس لازم يكون في المطبخ شباك كبير لكي تفتحيه عند عملية الطهو حتى لا تلصق رائحة الأكل بأثات الصالة
ويجب أن يكون الشافط من النوع الجيد

على البركة يا أم حصوصي..
لكن اللون اللي اخترتيه لازم يكون خشب.. الألمنيوم ما يجي هذا اللون.. والخشب غالي..
لكن عندك مطابخ إيكيا.. فيه مطبخ خشب مقارب له اسمه فاكتوم/ ستوت .. ويطلع لك المطبخ المتوسط بـ 7 آلاف تقريباً.. ومع التركيب بـ 8..
بس إذا تبين المنظر يصير حلو لازم تركبين السقف المستعار اللي فوق (زي الصورة).. هذا مترته بـ 45 ريال مع التركيب.. ولو تحطين عليه سبوت لايت زي الصورة يطلع مرة حلو..


وإذا تبين رأيي اشتري فرن اللي يصير منفصل عن العيون.. بحيث تركبين العيون فوق.. وتحتها الفرن.. يطلع شكلها رااااقي فرق شاسع عن الفرن العادي المتخلف..

وإذا تبين يطلع لك شكل الشفاط اللي فوق الفرن زي الصورة.. لازم تسوين الحركة هذي عند محل جبس.. بس بصراحة ما أنصحك فيها لأنها ما تسوى تكلفتها الغالية..

وفيه صور راااائعة لفتحات المطابخ على الصالة.. ممكن تلقينها في المواضيع اللي حطوها الأخوات..
وممكن بدل طاولة الطعام تسوين بينش.. يعني طاولة بار عالية تطل على الصالة.. وتحطين كراسي عالية.. بحيث اللي في المطبخ ياكل ويشوف تلفزيون مثلاُ في الصالة في نفس الوقت..

والله افكاركم مرة حلوة

الله يعطيكم الف عافية

أي مساعدة أختي.. تفضلي وقوليها.. << وحدة تبي الدعوة.. محتاجتها صدق :D
أنا قبل أيام بس كنت أجهز لمطبخي والحمد لله توفقت فيه.. وأحس صار عندي شوية خبرة من كثر ما لفيت بمحلات الرياض وقريت وبحثت..
فإذا تبين أي مساعدة أو استشارة أنا مستعدة.. والله يوفقك..

حياك الله اختي

لو تقولي عن المحلات الممتازة واسعارهم حلوة وافكارهم غريبة

والله يرزق كل الي في بالك