الله يرضى عليكم انا مريضه ادعولي

السلام عليكم ورحمة الله وبركاته

مادري من وين ابدا بس عالاقل اقول الحمدالله الي اكتشفت اني مريضه "نفسيا" واحب اقولكم ان توقيعي هذا صار قديم لاني الحين وصلت تحت ال55 وطبعا بفتره قصيره من الهم...


بس بقولكم يمكن الموضوع طويل بس الله يخليكم الي ماتقراه تدعي لي بالشفاء........

انا يابنات ساكنه بالمستشفيات من اول طبعا كلهم يقولون لي مافيك شي ويعطوني ابر وحبوب ويعني كلها اسبوع واطيب من الام المعده والغثيان و اوجاع الراس

انا مثل كل بنت اتمنى اعيش حياة طبيعيه واتزوج واصير ام والله لايوريكم حالتي دايم ادعي اتزوج واخلي امي تدعي لي وهي تضحك تقول يومك جاي وانا اعصب اقولها طيب لاتضحكين علي والله ابي اتزوج واستقر ومن هالكلام قبل حوالي 6 شهور انخطبت ودخلت عالرجال وكل شي وصدقوني يابنات وربي مايعيبه شي ابد واهله يجنون وكل شي وانا كنت اتمنى اتزوج...... بس وقتها الله لايوريكم حسيت بكتمه وصياح كل يوم اعوذ بالله هم وربي مابعده هم والله الي يشوفني يقول هذي شكلها فقدت كل اهلها يعني حاله صعبه وقلت لامي مابي وطبعا زعلت شوي ولما قالت لابوي حسيت ابوي مره تضايق طبعا انا رحمتهم يعني بعد ماصار كل شي توني اقولهم مابي رحت وقلتلهم خلاص اني ماهونت المهم بعدها قررت اروح دكتور نفسي يعالجني لاني كنت وربي يابنات شوي وانتحر احس الدنيا سوووووووووووووووووده تخيلوا لما اطلع لاي مكان اناظرالناس واقول مشالله ياحظهم عايشين مبسوطين لازواج ولاشي........طبعا قعدت ادور لي دكتوره اتعالج عندها وبالفتره هذي الله يكرمكم بس استفراغ + وجع راس وكل مارحت المستشفى يقولون لي مافيك شي ويستغربون من الي فيني يقولون مافيك شي بس يشوفوني اتالم طبعا هذا كله بسبب النفسيه ولاني اكتم كلها تحولت لجسمي....... المهم بعدها بكم يوم جتني امي وقالت لي ان الحرمه دقت واني قلتلها انك هونتي لاني عارفه انك ماتبين وحتى نزلت موضوع هنا اطلب دكتوره نفسيه اذا احد جربها وربي بعدها بخمس دقايق قالت لي امي خلاص تكنسل لموضوع يووووووووه لوتشوفوني اصلا علطول طلبت لي وجبه من المطعم من الفرح لاني ماذقت الاكل لي زماااان وطبعا انتفخت فترة هالست شهور وبس وربي كنت مبسوووطه مع اني دبه بس فرحانه اسوي ريجيم وافك واقول ببدى السبت احس حياتي طبيعيه


والحين قبل 3 اسابيع دقوا ناس وطبعا انا ادعي ربي انه يتكنسل الموضوع وامي تقولي ادخلي الشوفه يمكن ترتاحين ماتدرين لانه مشالله ماينعاب وانا صياااااااااااح امي عصبت علي قالت لي بكيفك انتي تطيرينهم من يدك واصلا مو من كثرهم الي يخطبونك بس انا اقولك استخيري وادخلي وشوفي وش يصير ليه الرسول عليه السلام شرع لنا هالنظره عشان نرتاح اقتنعت بكلامها ودخلت........بنات الولد وربي مايعيبه شي حتى شكلا مشالله حلو بسسسسسسسسس انا انا ساس البلى وربي اني كنت اموت ابي اتزوج والحين الله لا يوريكم طبعا بفترتة هالثلاث اسابيع نزلت من 62 الى 53 مستوعبين 9 كيلووووو بثلاث اسابيع طبعا امي شافت حالتي وانا بس بالطوارئ بكل المستشفيات وقعدت امي تصيح ياربيه تمنيت اموت ولا اشوف هالمنظر قالت امي ماتبينه قلت لااااااااااااا مابيه قالت امي طيب كلميه يمكن تقتنعين كلمته يابنات مع اني ادري مايجوز بس امي قالت يمكن شخصيته وعقله يحببك فيه.... وش اقولكم مشالله مؤدب ومبين مثقف وحتى المسكين يحاول يمزح معي لانه حاس اني متضايقه طبعا انا كلمته 7 مرات اخر مره قالي يابنت الناس الزواج مو غصب انتي مبين من يوم مادخلتي ماتبيني ليه وافقتي قلت والله بصراحه عشان اهلي قالي انتي اسمحيلي وحده انانيه يعني انا واحد مافكرتي بمشاعري وصدق بنات انا اكتشفت اني انانيه قعدت اكلمه بس عشان احالو اعالج نفسي على حسابه لاني عارفه بالاخير اني بتركه!!!!!!!!!!!
قلتله والله انا اسفه ومو قصدي واتمنى تسامحني قالي ماصار الا الخير وتونا بالبر بس ابي اعرف ليه ماتبيني قلت انا مابي اتزوج تخيلوا قالي فيه احد ثاني!!!!!!!!!!!!!!!!!!!!!!!!! وربي وقتها مادري وش ارد قعدت اصيح مادري اقوله انا مريضه كل ماجاني شخص انهبلت وسكنت بالمستشفيات!!!!!!!! مابي اقوله كذا ولا ابي ابان صايعه!!! قالي وش فيك تصيحين مو قصدي شي ولا وقصدي اجرحك واسف على كلمتي قلتله اسمع انا مافي فبالي احد وانا مابي احد قالي مافيه بنت طبيعيه كذا :( :( :( :( يوم قال هالكلمه حسيت زي المويه البارده فوقي حسيت صدق اني مريضه وموطبيعيه لاني سمعتها من احد غيري!!!!!! المهم تفكرش الموضوع وماصار.... هذا قبل اسبوع و احس بحريه اني مبسوووووطه مارح ارتبط........ بس فجأأه وربي فجاه فكرت بحياتي وقلت وكل ماجا احد كذا وللعلم انا مايجني كثير يعني عادي مره يمكن قليل بعد... قلت وبعدين يعني مارح ارتبط باحد طول عمري؟؟ مارح اسير ام وعندي اطفال؟؟؟؟؟؟؟؟ وربي يابنات بمجرد اني افكر اني يمكن اتزوج راسي يبدى يعوووووووووووووووووورني مره مره


وللمعلوميه لاتقولون لي عين لاني وربي لما اصلي واقرا قرآآن احس براااحه عجييييييبه واحس اني مبسوطه بحياتي كذا ودي تتجمد الحياة كذه.........
فانا الحين ادري اني مريضه نفسيا عندي افكار غلط لازم تتغير لاني كلمت دكتوره نفسيه بالتلفون وقلتلها قالت حبيبتي لازم تجيني وانتي فيه بمخك اشياء انتي ماتعرفينها عن نفسك بعقلك الباطن لازم تفضفضين الي بصدرك.....


فخلاص انا ان شالله ببدى اروح لها وان شالله اتعالج يابنات مثل ماقلت اتأسف عن الموضوع الطوووووووويل بس ادعولي اني اتعافى لان المرض النفسي اصعب من الجسدي لانه ياثر على نفسيتي وبعدين على جسمي يعني 2 بواحد :(
والله يخليكم اذا راح الموضوع ارفعوه لاني احتاج دعوات الكل