الله يرفق ب...ليه بس يا ازواجنا ..

السلام عليكم ورحمة الله وبركاته ،،

كيفكم حبيباتي

انا اليوم متضايقه وربي حاسه انه ضايقه فيني الوسيعه ..

من كثر ماصرت اقرا واشوف خايفه زوجي يروح يكلم والا تلعب عليه وحده :( مو بيدي غصب عني خاصه بحكم عمله وسفره للعمل .

اما الشى الثاني هذا الرابط هو موضوع خويتي اللي اكتشفت محادثات واتس اب وبيلاك بيري لزوجها

http://forum.hawaaworld.com/showthread.php?t=3893766


وش السواه يابنات خويتي مرررره تعبانه الموضوع له الان 4 شهور ، تهدي كم يوم وتعدل اسلوبها معه وترجع توسوس وتتعب ، قد ماتقدر تحاول ما تزن ولا تتسأل وين رحت وش سويت وماتلمس جواله بس تقولي ماادري يا اماني احساس الزوجه يقولي انه لسا يلعب ويكلم مع انه مواقف كثيره اكتشفت انها ظالمته . واخر مره كلمته قبل فترة قال لها انتي تدرين بقراره نفسك وواثقه انه ماعندي شى بعد اللي صار بس ابليس يوسوس لك .وحلف لها لو حد دق عليه يخبرها على طول وقال لها ارجوك خلينا نعيش حياتنا ولا تدفعيني اخطأ بيوم بسبب الضغوط يقول لها مافي حد يتزوج علشان يهدم بيته بس خلاص .

الحين هو تارك اشياء كثيره كان قبل يسويها مسكر واحد من ارقامه والايباد مايستخدمه وقاطع قروبات التجاره اللي كانو كلها بنات ومن ضمنهم اللي شافت محادثات معهم ، يحاول يراضيها ويشوفها مبسوطه ودام يقول لها اهدي نبي بيبي وسفرها وتقول تحسه مشتاق لها ويعطف عليها وطلب لقرض يأثث البيت .

يعني مهتم بمستقبله معها ويقول لها انا احبك وانتي دخلتي داخلي مستحيل اسمح لك تتركيني او تزعلي وتتركي بيتنا . بس بنفس الوقت من تقلق وكذا ينفر منها ويصير جاف وقاسي ويقول لها انتي تظلميني لدرجه مره قلبه كان يألمه وخذته للمستشفى تخطيط قلب ومن هالسوالف ..

وش الموضوع الحين تقول مااصدقه احسه تمثيل حتى لما طاح وخذوه للمستشفى تقول احسه بس يكذب ويمثل ومااقدر انسى كل اللي قريته واخاف انه لسا له سوالف بس ماخذ حذره خاصه انه يترك جوالته ويعرف انها تعرف الارقام السرية وفي حركه تسويها نصحتها تبطلها بس ماكو فايده تدخل الواتس اب وتشيك متى كان هو والبنت اللي كان يكلمها متصلين بالانترنت وغالبا يكون بنفس الوقت قلت لها يابنت الناس عادي العالم كله ايدينهم بالجوالات ممكن 100% يكونون صدفه بعدين هو يعرف انك تعرفين ارقامها مو غبي لهدرجه لو يكلمها كان غيرت رقمها ابسط شى علشان ماتزعجينه او راح يخليها تاخذ حذرها وتسوي رقمك حظر.


انا احساسي يقول انه ماعاد يكلم بنات وانه تاب ويبي يصلح بيته وانه البلا في خويتي والله صرت اخاف واوسوس ماابي انا بعد اخرب بيتي وش الحل مع صديقتي اعرف صعب تنسى والافكار غصب عنها بتجيها بس كيف تهدى وماتسمح لمخلوقه تهدد حياتها بعد الرجال من كثر الزن والهواش بيطفش ..