الله يزوج كل بنت ويسعد كل متزوجه تساعدني

انا من الامارات ليش كده ما اقدر افيدك بنات السعودية ما راح يقصرون معاك ان شاء الله

عندك مدارس الأرقم قسم التحفيظ.. أو دار الذكر الأهلية..

وإذا تبين نصيحتي من قلب.. دخليها مدرسة حكومية لتحفيظ القرآن..
شوفي طلاب مدار س التحفيظ هم أذكى الطلاب وأكثرهم تفوقاً على مستوى المملكة والسبب إخلاص المدرسين والبيئة الطيبة بإذن الله والحرص على أخلاق الطلاب..
وإذا على الإنجليزي دخليها دورات مسائية أو في الصيف.. وبيمدى عليها بإذن الله

شوفي حبيبتي..
أنا درست في مدارس أهلية من اللي يدرسون انجليزي وفرنسي.. وعارفة نوعية البنات اللي هناك..
أنصحك من كل قلبي ما تدخلينها مدرسة أهلية إلا إذا كانت توجهاتها دينية..
والله البنات هناك يخوفون.. في ثالث ابتدائي يمسكون معها صور وبلاوي..
وفي سادس تكلم شباب..

الله يستر علينا وعلى بنات المسلمين.. ما ودي أنشر صورة سلبية.. لكن قصدي أنه فيه ناس يهتمون بالمظاهر وينسون الجوهر.. (ما أقصدك أختي الغالية).. فيدخلون عيالهم هالمدارس علشان الإنجليزي والفرنسي والكمبيوتر.. ولا يهتمون بأخلاق الطفل.. وشو تعلم واستفاد بالفعل.. و كيف تأثرت شخصيته بمن حوله؟

إذا تبين تقدرين تاخذين نصيحتي.. وإلا ممكن تتجاهلينها.. لكن أنا أم مثلك.. وحاسة بشعورك.. أنا أيضاً ودي بنتي تتعلم انجليزي.. لكن لما فكرت وقيمت الأمر جيداً.. قلت وإذا تعلمت انجليزي لكن أخلاقها تأثرت لا سمح الله وشو استفيد؟

علشان كذا أنا أخطط من الآن أني أدخلها مدارس تحفيظ بإذن الله إذا دخلت المدرسة.. سواء كانت أهلية أو حكومية..

أشكرك أختي الغاليه رسيل وأنا معك أن تحفيط القران مهم وافضل للطفل .
والسبب الرئيسي بأني دخلتها أهليه هو النقل لان الاهليه يوصلون البنت لحد البيت ومع محرم وبنتي طفله بريئه أخاف عليها , والسبب الثاني هو تعلم اللغه .
أختي هل تعلمين مستوى التدريس في الارقم؟هل لك قريب دخل بها ؟ ياليت لو تكرمتي تتكلمين عن مميزاتها ودمتي :26:

والله أعرف كذا وحدة بنتها هناك وتمدحهم..
وبعدين أنا كلمت طفلة تدرس هناك مرة وشفت مستواها مرة عالي (وأنا مدرسة زي ما قلت لك وعارفة كيف يتضح أثر المدرسة على الطفل).. ويحرصون على غرس القيم والأخلاق..
لكن ما أدري إذا كانوا يدرسون انجليزي وكمبيوتر..
أتوقع قسم التحفيظ عندهم ما يدرسون انجليزي لكن هالسنة راح يصير إجباري من خامس ابتدائي إن شاء الله..

وهم عندك في شرق الرياض في الروضة..

وإذا على المواصلات عندهم أيضاً ومع مرافقة..

لكن أنا بنفسي ما جربتهم لكن إن شاء الله راح أسجل بنتي عندهم في التمهيدي..

انا من الشرقيه ما اعرف عن الرياض شيء:27: