الله يسامحك يابابا ياريتك ماجبت لي قنوات دينية وانا مراهقة ..

السلام عليكم ورحمة الله وبركاتة
انا عمري 22 سنة وآخر سنة بالجامعة وحالتي كويسة وممتازة الحمد لله
لكن سبب مشكلتي قدييييم ايام ماكنت بمراحله المتوسطة بعمر 13 و 14 و 15

كنت امووووت ويكون عندنا الدش واغار من بنت خالتي وصديقاتي

ابوي بهذا السن منع عنا الدش وجاب لنا قناة دينية كلها شباب 100% وكانو يطلعون في كشتات وسواليف وطبعا من طبقة اجتماعية مطاابقة لطبقتي يعنى نفس تفكير عائلتي المحافظ وهذا اللي خلاني اتعلق فيهم تعلقت بواحد منهم 24 افكر فية مع اني لكن لاحظت لما اروح لبيت جدتي بالرياض عندها قنوات فضائية وكنت طول العطلة اتفرج على مسلسلات وكليبات وأفلام ...الخ وكنت استمتع اخر استمتاع وهذا الوقت كنت مااميز بين المسلسلات ذات الإخراج الردئ والممتاز يعنى اي شئ كان يبسطني ولا تعلقت ولا بواحد فيهم مع اكثر وسامة وسعادة بالنسبة لي من القناة الدينية لأنهم من طبقة مختلفة جدا لطبقتي الاجتماعية عشان كذا كنت بالسليم

المهم وكلية متعلقة فيه واغاااار عليه بشكل جنوني وانا طفلة تحت 16 سنة تحملت حزن اكبر من عمري حزن حقيقي عشان مرة صور مع مذيعة وعشان مرة وحدة قالت لي أنة يغازل بنات واشياء كثيرررر ((طبعا وانا واللحين بعمر 22 اشوف نفسي بمنتهى السخافة لكن ياخسارة بذيك الايام ماكان عقلي زي اللحين ))تحملت شخص بالتلفزيون مادرى عني استغفر الله بس لاحظو لأرحت ع بيت جدتي انسى الموضوع بالمرة والهى بالقنوات الفضائية ((الله يخليكم لا تحسبون اني اسب القنوات الدينية وأروج الفضائية لا والله ولو رجع بي الزمن ماكنت راح أتابع الاثنين الديني والغير ديني )) لحد ماتخرجت من المتوسطة الحمد لله ونسيت الشخص اللي تعلقت فية وصرت اضحك ع نفسي والوم نفسي على سخف تفكيرها

دخلت اولى الثانوي واشترت لي أمي لابتوب وأبوي جاب لنا موطن والتهيت باعالم النت ونسسسسسيت القنوات الفضائية بكل تواجهاتها وبالعكس صارت سخيفة بالنسبة لي وحتى قبل ثلاث سنوات ابوي حط دش عشان اخبار الثورات العربية واللهى ولاهمنى الدش زي ايام زمان ولاكأنة موجودة لأني عوضني النت واليوتيوب اشوف اي مسلسل وفلم انا ابية وبنفس الوقت عديت مرحلة المراهقة ,
إحنا شلنا القنوات الدينية والدش مازال ولاعاد يهمني هذا اللحين الدش قدامي ومغبر مااطالعة المهم عديت مرحلة المراهقة بعد رحلة عذاب .

وانا اللحين لو تشوفون أفكاري بالدين وبالحياة العامة والاجتماعية تقولون هذي عايشة طول عمرها بعائلة غير دينية امثلة: الزواج من خارج الديانة عادي عندي ؟؟ أنى اصادق ملحدة وتصير صديقتي الصدوقة ماعندي مشكلة ؟؟ اكرة النقاب والحجاب واستحقرة ؟!ساعات اتجرا واعترض على الدين ماعندي ابدا غيرة على ديني مع اني امووووت على ربي ومابحياتي تركت فرض وأصوم رمضان كامل واستغفر كل يوم بس مادرى ليش طلعت عكس ماابوي كان يبيني أصير
خلاصة المشكلة /
اي حزن صار يعترى قلبي حتى وهو حزن بعيد كل البعد عن الآلام المراهق اتعب اكثر من اللازم غصبا عنى والله ومتأكدة اللي خلى قلبي كذا هو انه تحمل حزن اكبر من عمرة وهو صغير ياريت بهذاك الوقت ماكان عندنا تلفزيون خير شر لاديني ولاغير ديني كان متأكدة ان قابي بيصير اقوى من كذا, ساعدوني تراني والله نسيت ايام القنوات السخيفة بكل أنواعها بس مازالت الالم ذيك المراحلة تركت اثر بقلبي مع اني نسيتها